Amy Mathews, 23 ára, glímir við það vandamál að hún fær of margar fullnægingar og fær það stundum á hrikalega vandræðalegum augnablikum.
Hún hefur fengið fullnægingu þegar hún hefur ferðast með almenningssamgöngum, í háskólanum og meira að segja þegar hún hefur borðað hádegismat með foreldrum sínum. Hún segist nú vera háð fullnægingum.
Í samtali við Fabulous Digital segir Amy að metið hennar séu átján fullnægingar í röð. En hún segir að það að fá það svona oft hafi sína galla.
„Ég fæ það mjög auðveldlega og mjög oft. Ef ég er ein í lest og sé einhvern sem ég laðast að, þá byrja ég að fá það hér og þar. Ef ég er að sofa hjá einhverjum þá get ég misst meðvitund ef ég fæ of margar fullnægingar. Stundum kemur það fyrir að mig verkjar í kviðvöðvana vegna stöðugra samdrátta á magasvæði og grindarbotni.“
Amy er með Ehlers-Danlos heilkenni, sem er arfgengur bandvefssjúkdómur sem veldur því að myndun kollagens raskast og bandvefir líkamans veikjast. Hún byrjaði á lyfjum til að halda niðri einkennum sjúkdómsins, en lyfin gerðu hana þreytta.
„En ef ég fékk fullnægingu þá leið mér betur. Ég tek ekki lengur lyf gegn sársaukanum núna. Ég kýs að fá fullnægingu í staðinn,“ segir hún og bætir við að fullnægingarnar hafa einnig hjálpað henni í baráttu sinni gegn kvíða.
Stundum á Amy erfitt með að stjórna því hvar hún fær það. Hún viðurkennir að það geti verið vandræðalegt þegar hún fær það í kringum foreldra sína. „Mamma veit af þessu og er mjög stuðningsrík, en pabbi hefur ekki hugmynd,“ segir hún.
Amy segist stundum fá samviskubit þar sem hún fær svo margar fullnægingar en karlmennirnir sem hún sefur hjá fá bara eina. Þessa dagana segist Amy fá það að minnsta kosti níu sinnum í hvert skipti sem hún sefur hjá einhverjum. „Ég vil ekki kærasta, ég þarf bara að fá það reglulega. Mér líður illa ef ég fæ það ekki,“ segir hún.
