STXfilms hefur gefið út stiklu Hustlers, nýjustu myndar Jennifer Lopez og Constance Wu, en hennar er beðið með mikilli eftirvæntingu. Þær stöllur leika strippara sem svindla milljónir af Wall Street bankamönnum. Myndin er byggt á grein sem birtist í New York tímaritinu árið 2015 eftir Jessicu Pressler.

Aðrar leikkonur myndarinnar eru Julia Stiles, Keke Palmer og Lili Reinhart, en Lorene Scafaria skrifar handrit og leikstýrir. Myndin verður frumsýnd ytra 13. september.

Í viðtali við Hollywood Reporter segir Scafaria: „Myndin lítur á kynhlutverk okkar, hvernig við erum metin og hvernig kvikmybndir, sjónvarpsþættir og annað segja okkur að virði okkar sé. Karlmönnum er sagt að virði þeirra sé metið út frá stöðu bankareiknings þeirra. Konum er sagt að það sé samhverfa andlits þeirra, líkamar þeirra og fegurð sem meti hvers virði þær eru. Á þessu er myndin byggð. Reglurnar í klúbbnum eru reglur heimsins.“