fbpx
Sunnudagur 14.ágúst 2022
Fókus

Sjáðu fyrstu kitluna úr nýju Jókermyndinni – Hildur Guðnadóttir semur tónlistina

Tómas Valgeirsson
Miðvikudaginn 3. apríl 2019 14:00

Ekki missa af Helstu tíðindum dagsins í pósthólfið þitt

Lesa nánar

Fyrsta kitlan er lent fyrir sjálfstæðu kvikmyndina um Jókerinn, erkióvin Leðurblökumannsins, en það er Joaquin Phoenix sem hefur tekið að sér burðarhlutverkið.

Myndin tilheyrir splunkunýjum myndabálki frá hasarblaðaheimi DC Comics og tekur hún nýjan vinkil forsögunnar að því hvernig Jókerinn varð að þeim alræmda glæpamanni sem flestir þekkja. Sagan gerist á níunda áratug síðustu aldar og sækir lauslega innblástur í hina frægu teiknimyndasögu The Killing Joke, eftir Alan Moore. Þess má einnig geta að tónskáldið Hildur Guðnadóttir semur alfarið tónlistina fyrir þessa kvikmynd.

Skemmst er að segja frá því að Leðurblökumaðurinn verður fjarri góðu gamni í tilfelli þessarar myndar. Phoenix hefur sagt í viðtölum að myndin sé eins konar stúdering á geðrænum vandamálum og verður lokaútkoman með þeim dekkri kvikmyndum sem hafa komið út í dágóðan tíma sem gerast í heimi ofurhetja.

Leikstjórinn Todd Phillips (The Hangover 1-3, Due Date, War Dogs) skrifar handrit myndarinnar ásamt Scott Silver, en þeir hafa staðfest að myndin verði meira í líkingu við lágstemmda glæpamynd frekar en hefðbundna ofurhetjumynd. Þetta virðist allt vera í takt við það sem nýja kitlan hefur upp á að bjóða, en hana má sjá í allri sinni dýrð að neðan.


Jókerinn var síðast leikinn á hvíta tjaldinu af Óskarsverðlaunahafanum Jared Leto en hlaut hann vægast sagt blendnar viðtökur í hlutverkinu. Þar áður voru það Heath Ledger heitinn og Jack Nicholson sem slógu í gegn sem glæpatrúðurinn frægi ásamt leikaranum Cesar Romero, en hann lék Jókerinn á sjöunda áratugnum þegar Adam West gekk með grímu Leðurblökumannsins.

Joker verður frumsýnd í október á þessu ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Spurningin sem varð til þess að Denise Richards ákvað að skilja við Charlie Sheen

Spurningin sem varð til þess að Denise Richards ákvað að skilja við Charlie Sheen
Fókus
Fyrir 2 dögum

Anne Heche sögð heiladauð eftir slysið og ekki hugað líf

Anne Heche sögð heiladauð eftir slysið og ekki hugað líf
Fókus
Fyrir 2 dögum

Lögreglukona ákvað að hlaupa til styrktar Samtökunum 78 eftir að hún sá umdeildan fána í gleðigöngunni

Lögreglukona ákvað að hlaupa til styrktar Samtökunum 78 eftir að hún sá umdeildan fána í gleðigöngunni
Fókus
Fyrir 3 dögum

Haraldur geðlæknir segir að góðmennska nútímans sé að snúast upp í andhverfu sína -„Það er augljóslega eitthvað mikið að“

Haraldur geðlæknir segir að góðmennska nútímans sé að snúast upp í andhverfu sína -„Það er augljóslega eitthvað mikið að“
Fókus
Fyrir 5 dögum

Birta varð orðlaus og hrygg þegar hún sá skemmdarverk á auglýsingaskilti af henni

Birta varð orðlaus og hrygg þegar hún sá skemmdarverk á auglýsingaskilti af henni
Fókus
Fyrir 5 dögum

Kristján Jón er sterkasti maður Íslands 2022

Kristján Jón er sterkasti maður Íslands 2022