Lifum lengur, er nafn átta heimildarsjónvarpsþátta í umsjón Helgu Arnardóttur sjónvarpskonu sem sýndir eru hjá Sjónvarpi Símans Premium. Vísindalegir heimildaþættir um heilsu á mannamáli.
Að taka vökunótt á aldrei að vera talinn sjálfsagður hlutur því ein slík getur valdið bólgu- og hormónabreytingum í líkamanum. Hálfdan Steinþórsson eiginmaður Erlu Björnsdóttur einnar af helstu svefnsérfræðingum landsins tók þátt í vökutilraun fyrir þáttinn Lifum lengur undir handleiðslu eiginkonu sinnar og vakti samtals í 42 klst. Í þættinum um svefn fáum við að fylgjast með hvernig svefnleysið hefur áhrif á Hálfdan eftir því sem líður á vökuna.
