fbpx
Mánudagur 27.maí 2019

DV - Frjáls og óháður miðill

Fókus

Ragga nagli – „Mikilvægast að hlusta á líkamann og heiðra merki hans um svengd og seddu“

Ragna Gestsdóttir
Þriðjudaginn 22. janúar 2019 11:00

Ekki missa af Helstu tíðindum dagsins í pósthólfið þitt

Lesa nánar

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira.

Föstur eru vinsælli en kóksjálfsali í Sahara um þessar mundir
Þú ert ekki gjaldgengur sem homo sapiens nema ræða garnagaul í mötuneytinu yfir laxabollum með veganmæjó og appelsínukúskús.

„Ég er búinn að missa sjö kíló,“ segir Jonni bókari.

„Tíu kíló hérna megin,“ segir Gunna á símanum.

„Ég sef betur og húðin er allt önnur,“ segir Haffi bílstjóri.

Þeir sem grúska í föstufræðunum eru sammála um að aðalstyrkurinn liggur í sálfræðiþættinum.

Föstur segja þér HVENÆR þú átt að borða.

Föstur skipta sér hins vegar ekkert af því HVAÐ eða HVERSU MIKIÐ þú skalt borða.

Fyrir marga er það mun meira valdeflandi en að fá máltíðaplan með örfáum ríkismatvælum og útreiknuðum grömmum.
Valfrelsi á diskinn er lykilatriði þegar kemur að því að halda sig við planið.

Nema þú hafir búið í gjótu í Ódáðahrauni veistu hvað er hollt og hvað er ekki hollt.
Svo þú getur verið vegan eða skepnuslafrari. Ketókall eða pastaperri.
Paleó eða Miðjarðarhafsmataræði.

Færri máltíðir yfir daginn krefjast minni skipulagningar sem þýðir minni streitu og frelsar hugarorku um hvað skuli borða næst.
Að skipuleggja sex máltíðir á dag, pakka í nestisbox, drattast með kælitösku í Kringluna, éta möndlur og hálft epli inni á klósetti á fundi er yfirþyrmandi fyrir suma og getur reynst jafn yfirþyrmandi og flókið og að skipuleggja friðarfund í Sameinuðu þjóðunum.

Fyrir þetta fólk eru tvær til þrjár máltíðir á dag eins og að tína fífla úti á túni í sólskini í júlímánuði.

Stærri og færri máltíðir fullnægja okkur betur en margar smærri yfir daginn. Rannsóknir sýna að máltíðir þurfa að vera 400 kcal eða stærri fyrir marktæka losun á sedduhormóninu leptín og við finnum fyrir seddu.

Rannsóknir sýna líka að fólk er líklegra að halda sig við mataræðið ef stærstu máltíðirnar eru síðar um daginn. Því það er jú rík hefð að borða kvöldmat saman.

En föstur henta ekki öllum.
Sumum líður mjög illa að fasta. Fá hausverk og svima. Lágan blóðsykur og orkuleysi.

Sumir fá þráhyggjuhugsanir um mat og borða hnetusmjör beint upp úr dollunni með matskeið þegar klukkan loksins leyfir máltíð.
Tæta örvæntingarfullt upp heilan kexpakka án þess að taka umbúðirnar almennilega frá áður. Kjamsa jafnvel á álpappír og er alveg sama.

Það er enginn ósigur. Það er bara ein aðferð sem virkar ekki fyrir þig og þú getur strikað út af listanum

Það er mikilvægast að hlusta á líkamann og heiðra merki hans um svengd og seddu og læra að borða eftir eðlishvöt.
Það eru fjölmargar leiðir til að flá kött. Eins eru fjölmargar leiðir til að gúlla snæðinga.

Finndu þá leið sem hentar þér og þú getur hugsað þér að nota alla ævi.
Það er eina leiðin sem hentar þér.

Facebooksíða Röggu nagla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Ragga kynntist eiginmanninum á Kúbu – „Þetta kallar maður að sækja vatnið yfir lækinn, því hann er bara úr Hafnarfirði þessi elska“

Ragga kynntist eiginmanninum á Kúbu – „Þetta kallar maður að sækja vatnið yfir lækinn, því hann er bara úr Hafnarfirði þessi elska“
Fókus
Í gær

Kolbeinn og Daníel tjá sig um loftlagsverkfallið – „Þau létu okkur líta út eins og hálfvita, hræsnara og aumingja“

Kolbeinn og Daníel tjá sig um loftlagsverkfallið – „Þau létu okkur líta út eins og hálfvita, hræsnara og aumingja“
Fókus
Fyrir 2 dögum

Spessi stefnir á það svarta

Spessi stefnir á það svarta
Fókus
Fyrir 2 dögum

Hatrammar nágrannaerjur: „Hann reyndi að drepa mig“

Hatrammar nágrannaerjur: „Hann reyndi að drepa mig“
Fókus
Fyrir 2 dögum

Þorgrímur selur á Tunguvegi – Sjáðu myndirnar

Þorgrímur selur á Tunguvegi – Sjáðu myndirnar
Fókus
Fyrir 2 dögum

Páll Óskar og Chase gefa út lag saman – Syngja um ástina

Páll Óskar og Chase gefa út lag saman – Syngja um ástina
Fókus
Fyrir 3 dögum

Sextán ára að gefa út tónlist: „Fólk veit ekkert hvernig ég er í alvörunni“

Sextán ára að gefa út tónlist: „Fólk veit ekkert hvernig ég er í alvörunni“
Fókus
Fyrir 3 dögum

DV leikur sér að heitasta filternum á Snapchat – Sjáið myndirnar

DV leikur sér að heitasta filternum á Snapchat – Sjáið myndirnar