Hagfræðingurinn Dýri Kristjánsson, sem hefur gert garðinn frægan síðustu ár í hlutverki Íþróttaálfsins úr Latabæ, kvæntist unnustu sinni, Ingibjörgu Sveinsdóttur, í dag.
Dýri og Ingibjörg létu pússa sig saman í Fríkirkjunni í Reykjavík og voru vinir og fjölskyda viðstödd á þessum merkilega degi til að fagna með parinu.
Dýri byrjaði tíu ára að æfa fimleika hjá Gerplu og hefur unnið til fjölda verðlauna á ferlinum. Það var svo árið 2006 sem Latibær kallaði og hefur Dýri brugðið sér í hlutverk Íþróttaálfsins reglulega síðan þá og fylgdi þar með í fótspor upprunalega íþróttaálfsins Magnúsar Schevings. Það kom því kannski ekki á óvart að Dýri hafi staðið á annarri hendi á kirkjutröppunum áður en hann játaðist Ingibjörgu sinni, eins og sjá má á þessari mynd:
Dýri og Ingibjörg hafa verið saman um árabil og halda stórt heimili.
Fókus óskar þeim innilega til hamingju með daginn.