Veður skilyrði hafa í raun verið svo góð að í öllum flokkum er búist við að sigurvegarar komi í mark á frábærum tímum og búið er að flýta uppsetningu á endamarki á Krísuvíkurvegi.
Eiríkur Ingi er með töluvert forskot á aðra keppendur í einstaklingsflokki en hann var rétt ókominn á Vík þegar keppnisstjórn heyrði í liðinu hans klukkan 14:30 í dag.
Þau segja hann stefna á að koma í mark á milli eitt og tvö í nótt.
Ef sú áætlun stenst kemur Eiríkur í mark á undir 58 klukkustundum en það er 9 klukkustundum skemur en tíminn sem dugði Peter Coljin öruggan sigur í fyrra.
Delcan Brassil og Halldór Snorrason og eru í öðru og þriðja sæti.
Declan er kominn fram hjá Jökulsárlóni en Halldór er um 50 kílómetrum aftar. Elín V. Magnúsdóttir er sú fjórða.
Hún er komin niður af Öxi og er komin lengst allra kvenþátttakenda frá upphafi.
Í B flokki karla er Sensa í fyrsta sæti en Team Skoda fylgir þeim fast á eftir. Þessi lið eru einnig komin niður Öxi og eru að hefja leið út úr Berufirði. Kolibiri Cycling og Decode XY fylgjast að í þriðja og fjórða sæti. Þau ættu að leggja af stað upp Öxi á hverri stundu.
Í B flokki kvenna leiðir XY Cycling en þær eru á Möðrudalsöræfum. Akureyrardætur eru í öðru sæti en kvennalið Íslandsbanka eru að sækja hratt á þær.
Í A flokki karla eru liðin Team Cannondale GÁP Elite, Airport Direct og Harðkjarna öll á svipuðum stað í fyrsta til þriðja sæti. Þau eru á Skriðdals- og Breiðdalsvegi að nálgast Öxi. Í A flokki kvenna keppir aðeins eitt lið.
Það er liðið Lókal Stelpur þær fóru nýlega yfir brúna yfir Jökulsá á Brú.
Smelltu til að stækka upp myndir af keppendum þar sem þau lögðu af stað í leiðangurinn í Hvalfirðinum í gær:
