fbpx
Þriðjudagur 19.mars 2019

DV - Frjáls og óháður miðill

Fókus

Ragga nagli: „Mataræði sem þú getur haldið þig við til langs tíma er það sem mun skila þér árangri út lífið“

Ragna Gestsdóttir
Miðvikudaginn 7. nóvember 2018 12:00

Ekki missa af Helstu tíðindum dagsins í pósthólfið þitt

Lesa nánar

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um mataræði.

Það er ekki samnefnari milli þess að grennast og þjást með þyrnikórónu og gulrót.
Með blóðgað bak eftir refsivöndinn ef transfita rennur niður vélindað.

Það er vel hægt að tálga smjör af skottinu en samt löðra sig í bernes.
Það má alveg skafa af mallakút þó fröllur detti af og til niður í magaholið.

Rannsóknir sýna að 10-20% hitaeininga úr sósuðu sveittmeti og sykurlegnum snúðum hefur engin áhrif á fitutap.
Þeir sem aðhyllast sveigjanlegt mataræði með slíkri 80/20 nálgun sýna færri merki um óheilbrigt samband við mat, færri ofátsköst, jákvæðari líkamsímynd, minni depurð og kvíða og betri lífsgæði. (Clark, 1986; Fairburn et al., 2003; Stewart et al., 2002; Teasdale et al., 2001).

Þeir sem nærast í núvitund vita að það er matur sem við borðum oft og mikið af.
Svo er matur sem við borðum sjaldan og minna af.
Það er ekki til „aldrei“ matur eða „má ekki“ matur nema um ofnæmi, óþol eða almenna klígju sé að ræða.

Þeir sem hinsvegar aðhyllast slavískar ‘allt-eða-ekkert’ mataræðisreglur þar sem ekki einasta sykurmólekúl má vera í sama póstnúmeri eru mun líklegri til að gleypa í sig allt nema eldhúsvaskinn þegar eitt Nóakropp lendir óvart á tungunni. (Westenhoefer 1991).

Þess vegna sverja margir og sárt við leggja að þeir megi ekki horfa á kanilsnúð án þess að hann smyrjist utan á nafladellurnar. En oftar en ekki er það þeir sem hunsa skammtastjórnun og dúndra sér yfir hitaeiningaþurrðina sem er jú alfa og ómega til að stuðla að fitutapi.

Að afþakka lakkríshúðaðar djúpur í afmæli hjá Sigurjóni frænda gerir þig ekki að róbótísku ofurmenni með sjálfsaga á borð við níræðan munk í Nepal.

Að njóta þess hvernig þú borðar án þess að klæja í rassinn af innri óhamingju af því að vera hlunnfarinn um gúmmulaði er lykillinn að langvarandi heldni við mataræðið.

Og það mataræði sem þú getur haldið þig við til langs tíma er það sem mun skila þér árangri út lífið.

Facebooksíða Röggu nagla.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”

María og Ingileif opna sig: „Mælikvarðinn á það að vera gott foreldri snýst ekki um að það séu bæði karl og kona á heimilinu”
Fókus
Fyrir 2 dögum

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna

Ingileif og María vilja útrýma fordómum gegn samkynhneigðum foreldrum – Ræða opinskátt um meðgönguna
Fókus
Fyrir 2 dögum

Jóhann hefur myndað akstursíþróttir í áratugi

Jóhann hefur myndað akstursíþróttir í áratugi
Fókus
Fyrir 2 dögum

Frægir Íslendingar á fermingardaginn

Frægir Íslendingar á fermingardaginn
Fókus
Fyrir 3 dögum

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“

Yfirheyrslan – Sigurður Þ. Ragnarsson: „Ég get orðið fjári reiður ef mér misbýður“
Fókus
Fyrir 3 dögum

5 sem hefðu getað tekið við sem dómsmálaráðherra

5 sem hefðu getað tekið við sem dómsmálaráðherra
Fókus
Fyrir 4 dögum

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“

Segir hjónabandið við Michael Jackson hafa verið blekkingu: „Ég var sú sem sagði við hann: „Ég skal eignast börnin þín“
Fókus
Fyrir 4 dögum

Fókus býður í bíó – Þorir þú á eina umtöluðustu hrollvekju ársins?

Fókus býður í bíó – Þorir þú á eina umtöluðustu hrollvekju ársins?