Eftirfarandi eru nokkur skotheld ráð sem gott er að fókusa á ef fólk vill sofna í næstu flugferð. Ráðin fengum við frá nokkrum félögum okkar sem gera ekki annað en að fljúga á milli landa og kunna öll helstu trixin sem maður þarf að kunna til að ná að sofna um borð.
Lesið og lærið gott fólk:
Þeir eru ekkert svakalega svalir en algjörlega nauðsynlegir ef þú ætlar að reyna að sofna í vélinni. Best er að verða sér úti um kragakodda sem hægt er að binda eða krækja föstum við handfarangurstöskuna þína. Þá þarftu ekki að vera að vesenast með hann. Kragakoddar geta algjörlega bjargað málunum, sérstaklega ef sætin í vélinni eru ekkert sérstaklega þægileg.
Sumir vilja meina að þetta sé ekki mjög skynsamleg leið til að sofna, – en svo eru aðrir sem segja það kjaftæði, sérstaklega ef þú ert þessi flughrædda týpa. Þegar vélin byrjar allt í einu að vagga og hossast og ævin rennur þér fyrir hugskotssjónum með leifturhraði þá getur lítil flaska af rauðvíni gert kraftaverk.
Það gerir þér gott að hlusta á róandi tónlist í flugi, sérstaklega við flugtak. Tónlistin blokkerar líka hávaðann í vélinni sem getur verið stressandi, svo ekki sé minnst á grátandi börn eða háværa farþega sem gera sér enga grein fyrir því að þau eru ekki ein um borð. Vertu bara viss um að vera búin að niðurhala playlistanum
Afþreyingin sem er í boði um borð í vélunum er ekki alltaf upp á marga fiska. Passaðu að vera búin að ná í nokkra þætti af uppáhalds sjónvarpsþáttunum þínum af Netflix áður en þú leggur í hann. Þá getur líka verið gott að horfa á eitthvað sem þú hefur séð áður af því það getur hjálpað þér að sofna.
Helst einhverja einfalda, létta og lítið krefjandi bók. Og ekki lesa hana af iPad eða iPhone í Kindle appinu. Vertu frekar með alvöru bók til að fletta í þar sem ljósið frá skjánum virkar örvandi.
Augngrímur sem útiloka dagsljósið hjálpa mikið til í flugi. Hvort sem er til að blokkera ljósið sem flæðir inn um glugga vélarinnar eða lesljósið frá sessunauti þínum þá hjálpa grímurnar þér til að slaka á og sofna fyrr.
Ef þú hyggst sofa á heimleið þá er mikilvægt að taka frá gluggasæti svo þú getir hallað þér og forðast að hafa sessunautana bröltandi yfir þig þegar þau þurfa að fara á klósettið.
Haltu þér vakandi eins lengi og þú getur þannig að þú sért alveg búin á því þegar þú ferð í flugið. Þá verður miklu auðveldara að sofna.
Ekki vera í þröngum og óþægilegum fatnaði. Reyndar er gott að vera í háum og þröngum sokkum en allt annað má vera létt og þægilegt svo þú getir látið fara vel um þig í hvaða stellingu sem er.
Til að vefja um þig í vélinni. Ef þér finnst það vandræðalegt þá gæti ponsjó eða stór lopapeysa þjónað sama tilgangi. Á flestum flugvöllum er hægt að fá nett og þægileg flísteppi sem auðvelt er að vefja upp og koma fyrir í handfarangri. Svo er líka hægt að spara og kaupa þetta með smá fyrirvara á netinu.
Ekki útiloka það að borga aðeins meira fyrir fótarýmið, sérstaklega ef það er langt flug framundan. Þá getur verið algjörlega nauðsynlegt að teygja aðeins úr sér.
ALLTAF. Eyrnatappar eru algjörlega nauðsynlegir fyrir öll ferðalög. Ekki bara fyrir flugvélina heldur líka svo þú náir almenninlegum svefni í vélinni. Eyrnatappa er hægt að fá í næsta apóteki og í allskonar verðflokkum.
