Meðlimir ABBA eru allt annað en ánægðir með þetta og hafa krafist þess að Trump hætti að nota lögin þeirra. En Trump og hans fólk er ekki á þeim buxunum að sögn Expressen.
Bæði ABBA og Universal, útgáfufyrirtæki hljómsveitarinnar, hafa sagt skýrt og greinilega að framboð Trump hafi ekki fengið leyfi til að nota tónlist hljómsveitarinnar. En talsmaður framboðsins er annarrar skoðunar.
„Framboðið hefur leyfi til að spila tónlist ABBA á grunni samnings okkar við BMI og ASCAP,“ sagði hann í samtali við AP fréttastofuna.
Svenska Dagbladet segir að framboð Trump hafi rétt fyrir sér að hluta.
Ástæðan er að framboðið er með svokallað „pólitískt leyfi“ sem veitir því aðgang að rúmlega 22 milljónum laga, þar á meðal frá ABBA.
En allir flytjendurnir eða lagahöfundarnir hafa möguleika á að mótmæla eða stöðva notkun stjórnmálamanna á lögum þeirra. Það hafa til dæmis Rolling Stones, Céline Dion og Rihanna gert hvað varðar notkun framboðs Trump á lögum þeirra.
Nú lítur út fyrir að ABBA bætist í þennan hóp því hljómsveitin og Universal hafa nú krafist þess að framboð Trump hætti að nota tónlist hljómsveitarinnar.
