Hugbúnaðar- og ráðgjafarfyrirtækið Expectus hefur ráðið til sín þau Helgu Þóreyju Björnsdóttur, Ara Kvaran og Söru Húnfjörð Jósepsdóttur. Þau munu öll starfa sem ráðgjafar í viðskiptagreind (BI).

Helga Þórey Björnsdóttir er sérfræðingur í viðskiptagreind með bachelor-gráðu í heilbrigðisverkfræði frá Háskólanum í Reykjavík. Hún fór síðan til Danmerkur þar sem hún nam við Danmarks Tekniske Universitet (DTU) og lauk þaðan meistaragráðu í Mathematical Modeling and Computation. Helga Þórey hefur undanfarin ár starfað sem sölufulltrúi hjá Mjólkursamsölunni í öllum sumar- og jólafríum.

Ari Kvaran hefur m.a. verið aðstoðarkennari í líkindareikningi og tölfræði við Háskóla Íslands auk þess sem hann tók nýverið þátt í nýsköpunarverkefni á vegum SÁÁ við að þróa frumgerð að hugbúnaði til aðstoðar fólki sem bíður innlagnar á Vog. Ari er með B.Sc. í iðnaðarverkfræði frá Háskóla Íslands, hann var í skiptinámi í sömu grein við Koera University og lauk M.Sc. gráðu í iðnaðarverkfræði og stjórnun frá Danmarks Tekniske Universitet. Ari er mikið fyrir útivist og hefur að eigin sögn verið hlaupaóður undanfarin ár en nýjasta áhugamálið er klifur sem hann hyggst stunda af kappi.

Sara Húnfjörð Jósepsdóttir, ráðgjafi í viðskiptagreind, lauk B.Sc. í heilbrigðisverkfræði frá Háskólanum í Reykjavík og M.Sc. Engineering – Mathematical Modelling and Computation, frá Tækniháskólanum í Danmörku (Danmarks Tekniske Universitet). Hún var í hlutastarfi sem forritari fyrir vélaverkfræðideild DTU samhliða námi þar sem hún aðstoðaði við að þróa nýja prótótýpu á viðmóti fyrir notkun í iðnaði. Sumarið 2021 starfaði Sara hjá Heilbrigðistæknisetri Háskólans í Reykjavík (Medical Technology Center) sem aðstoðarmaður rannsókna þar sem hún vann úr heilbrigðisgögnum.

Expectus er ráðgjafar- og hugbúnaðarfyrirtæki sem sérhæfir sig í upplýsingatækni, rekstrarráðgjöf, stefnumótun og viðskiptagreind. Fyrirtækið var stofnað árið 2009 og í dag starfa þar hátt í 40 manns, öll sérfræðingar á sínu sviði.