fbpx
Miðvikudagur 12.maí 2021
Eyjan

Segja Icelandair gera samkeppni erfiða

Kristján Kristjánsson
Mánudaginn 1. febrúar 2021 08:59

Ekki missa af Helstu tíðindum dagsins í pósthólfið þitt

Lesa nánar

Innan ferðaþjónustunnar segja margir að samkeppnisstaðan sér erfið vegna ríkjandi stöðu Icelandair og dótturfélaga Icelandair Group. Icelandair Group ætlar að selja ferðaskrifstofuna Iceland Travel til að geta einbeitt sér betur að flugrekstri sem er kjarnarekstur félagsins. Ekki er hins vegar útlit fyrir að Icelandair Group ætli að selja ferðaskrifstofuna VITA. Þetta þykir mörgum slæmt fyrir samkeppnisumhverfi ferðaskrifstofa.

Morgunblaðið skýrir frá þessu í dag. Haft er eftir Þórunni Reynisdóttur, forstjóra Ferðaskrifstofu Íslands, að samkeppnisumhverfið á markaði ferðaskrifstofa sé óeðlilegt. Erfitt sé að eiga viðskipti við eina íslenska flugfélagið, sem er Icelandair, á meðan það rekur ferðaskrifstofuna VITA sem er ein stærsta ferðaskrifstofa landsins. Að auki sitji stjórnendur Icelandair í stjórn VITA og það geti gert viðræður við Icelandair erfiðar. „Við sitjum að sjálfsögðu ekki við sama borð og VITA, það er það sem við höfum verið að benda á,“ er haft eftir Þórunni.

Hún sagði jafnframt að margt jákvætt geti hlotist af því ef Icelandair dregur sig út úr rekstri ferðaskrifstofa. „Ef Icelandair stæði ekki í þessum ferðaskrifstofurekstri sínum gætu þau virkjað ferðaskrifstofur í samstarf við sig og stuðlað þannig að auknum viðskiptum fyrir sig og aðra,“ sagði hún og bætti við: „Það er rosalega erfitt fyrir ferðaskrifstofur að skilja þetta. Icelandair segir að VITA sé ferðaskrifstofa og hún sé hluti af flugrekstri. Slíkur rekstur hefur hingað til aldrei verið talinn hluti af flugrekstri. Ég er farin að halda að stjórnendur Icelandair viti ekki hvað ferðaskrifstofa stendur fyrir.“

Gunnar Rafn Birgisson, stjórnarformaður og eigandi Atlantik ferðaskrifstofu, tók undir orð Þórunnar og benti á að mikil samfélagsleg ábyrgð hvíli á Icelandair Group og það sé hlutverk stjórnvalda að tryggja heilbrigða og eðlilega samkeppni. Það hljóti að þurfa að skoða samkeppnisstöðu fyrirtækjanna betur og setja Icelandair Group ströng skilyrði af stjórnvöldum og samkeppnisyfirvöldum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Vilja grímurnar burt – Segir fáa trúa því að grímuskylda breyti nokkru um útbreiðslu faraldursins

Vilja grímurnar burt – Segir fáa trúa því að grímuskylda breyti nokkru um útbreiðslu faraldursins
Eyjan
Fyrir 3 dögum

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“
Eyjan
Fyrir 6 dögum

Play ætlar ekki að sigra heiminn – Lítið flugfélag sem á að skila góðri afkomu

Play ætlar ekki að sigra heiminn – Lítið flugfélag sem á að skila góðri afkomu
Eyjan
Fyrir 1 viku

Ísland hefur enn ekki viðurkennt þjóðarmorð Tyrkja á Armenum

Ísland hefur enn ekki viðurkennt þjóðarmorð Tyrkja á Armenum
EyjanFastir pennar
Fyrir 1 viku
Vondir embættismenn
Eyjan
Fyrir 1 viku

Auglýsingar Samherja á mbl.is vekja furðu – „Ábyrgðarleysi í Efstaleiti“

Auglýsingar Samherja á mbl.is vekja furðu – „Ábyrgðarleysi í Efstaleiti“
Eyjan
Fyrir 1 viku

Milljarðaplan ríkisstjórnarinnar kynnt – „Við erum að komast í gegnum þetta“ segir Ásmundur

Milljarðaplan ríkisstjórnarinnar kynnt – „Við erum að komast í gegnum þetta“ segir Ásmundur