fbpx
Miðvikudagur 20.október 2021
Eyjan

Biden berst fyrir pólitísku lífi sínu – Nú reynir á tíunda lífið

Kristján Kristjánsson
Fimmtudaginn 7. október 2021 22:00

Joe Biden. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Næstu vikur munu væntanlega skera úr um pólitíska framtíð Joe Biden, Bandaríkjaforseta, að margra mati. Ef honum tekst að ekki að ná samstöðu innan þingflokks Demókrata um innviðapakkann svokallaða sé augljóst að Demókratar tapi illa í þingkosningunum 2022 og í framhaldi verði auðvelt fyrir Repúblikana að endurheimta völdin í Hvíta húsinu.

Stundum er sagt að kettir séu með níu líf og í tilfelli Biden má kannski segja að hann berjist nú fyrir að bjarga tíunda pólitíska lífi sínu í tengslum við innviðapakkann. Hann hefur verið talinn meistarastykki Biden en í síðustu viku sigldu viðræður um hann í strand í þinginu og eftir stendur Biden í vanda.

Strandið kom á versta hugsanlega tíma fyrir hann. Hvert pólitíska áfallið hefur riðið yfir hann á síðustu mánuðum. Hin erfiða staða vegna heimsfaraldursins í Bandaríkjunum, vaxandi verðbólga og svo auðvitað ringulreiðin í kringum brotthvarf bandaríska hersins frá Afganistan. Í kjölfar hans fór stuðningur við Biden í fyrsta sinn niður fyrir 50%, eftir að hann tók við forsetaembættinu, samkvæmt könnunum sem mæla vinsældir forsetans. Öll þessi mál hafa veikt stöðu hans að margra mati.

Viðsnúningur

Valdatíðin byrjaði vel hjá Biden. Honum tókst að koma innviðapakkanum í gegnum aðra deild þingsins í vor með því að beita pólitískum hæfileikum sínum. Pakkinn, sem er upp á 1.000 milljarða dollara, á að bæta vegi, lestarsamgöngur, strætisvagnasamgöngur og Internetsamband og dreifikerfi raforku um allt landið.

En innviðapakkinn hefur eiginlega hrunið í höndunum á Biden eftir sigurinn í vor því hin svokölluðu framsæknu öfl í Demókrataflokknum neita að styðja hann nema hófsömu öflin í flokknum greiði atkvæði með félags- og loftslagsmálapakka upp á 4.000 milljarða dollara. En það vilja hófsömu öflin ekki gera, þau telja pakkann alltof dýran og vinstrisinnaðan.

Nú verður Biden að fá þessi öfl til að ná saman til að koma innviðapakkanum í gegnum þingið. Hann hefur almennt notið mikils stuðnings í Bandaríkjunum því flestir telja að þeir muni njóta góðs af betri vegum, betra Internetsambandi og öðrum sem felst í pakkanum. Ef Biden nær ekki að sameina Demókrata á þingi um stuðning við báða pakkana þá telja stjórnmálaskýrendur nokkuð víst að þeir muni tapa stórt fyrir Repúblikönum í þingkosningunum á næsta ári.

En Biden hefur ekki gefist upp enda þekktur baráttumaður og á löngum þingferli tókst honum að koma fjölda pólitískra samninga í örugga höfn. Hann verður nú að notast við alla sína reynslu og hæfileika til að sameina þingmenn Demókrata og tryggja stuðning við báða pakkana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Burt með Birgi – Undirskriftum safnað til höfuðs Birgi Þórarinssyni – „Hann svindlaði á kjósendum“

Burt með Birgi – Undirskriftum safnað til höfuðs Birgi Þórarinssyni – „Hann svindlaði á kjósendum“
Eyjan
Fyrir 5 dögum

„Þetta jafngildir því að bankarnir þrír muni ná um 750 þúsund krónum af hverri fjögurra manna fjölskyldu á þessu ári“

„Þetta jafngildir því að bankarnir þrír muni ná um 750 þúsund krónum af hverri fjögurra manna fjölskyldu á þessu ári“
Eyjan
Fyrir 1 viku

„Þetta er gamaldags leið til að stýra neyslu“ segir Breki

„Þetta er gamaldags leið til að stýra neyslu“ segir Breki
Eyjan
Fyrir 1 viku

Pólskur dómur getur reynst ESB og Póllandi dýrkeyptur

Pólskur dómur getur reynst ESB og Póllandi dýrkeyptur
Eyjan
Fyrir 1 viku

Guðmundur fussaði og sveiaði alla leiðina heim – „Svona er þetta þá gert“

Guðmundur fussaði og sveiaði alla leiðina heim – „Svona er þetta þá gert“
Eyjan
Fyrir 1 viku

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin