fbpx
Föstudagur 26.nóvember 2021
Eyjan

Barist um oddvitasætið á lista Sjálfstæðisflokksins í Suðurkjördæmi

Kristján Kristjánsson
Mánudaginn 22. febrúar 2021 07:59

Páll Magnússon, þingmaður Sjálfstæðisflokksins.

Ekki missa af Helstu tíðindum dagsins í pósthólfið þitt

Lesa nánar

Prófkjör Sjálfstæðisflokksins í Suðurkjördæmi fyrir næstu Alþingiskosningar fer fram 29. maí en framboðsfrestur rennur út 8. apríl. Nú þegar hefur Páll Magnússon, núverandi oddviti flokksins í kjördæminu, tilkynnt að hann sækist áfram eftir að leiða flokkinn í kjördæminu. Vilhjálmur Árnason, þingmaður flokksins í kjördæminu, tilkynnti á laugardaginn að hann sækist einnig eftir oddvitasætinu.

Morgunblaðið skýrir frá þessu í dag. Fram kemur að Ásmundur Friðriksson vilji áfram vera í öðru sæti. Einnig kemur fram að Guðrún Hafsteinsdóttir, iðnrekandi í Hveragerði, íhugi nú að bjóða sig fram í oddvitasætið og hefur blaðið eftir viðmælendum sínum að þess sé ekki langt að bíða að ákvörðun hennar liggi fyrir.

Sjálfstæðismenn eru nú með þrjá þingmenn í kjördæminu en telja góða möguleika á að ná fjórum mönnum í næstu kosningum en 10 þingmenn koma úr Suðurkjördæmi.

Morgunblaðið segir að Vilhjálmur hafi tilkynnt um þá ákvörðun sína að sækjast eftir fyrsta sætinu undir kjörorðinu „nýja kynslóð til forystu“. Hann hafi ekki vikið einu orði að Páli Magnússyni í tilkynningu sinni en hafi lagt nokkra áherslu á að hann hefði ræktað tengslin við kjördæmið vel. Blaðið segir að það sama eigi við um Ásmund Friðriksson sem hefur orð á sér fyrir að rækta vel sambandið við kjósendur. Þá segir blaðið að Páll sé vel þokkaður fyrir að hafa verið áberandi í umræðunni um málefni kjördæmisins og raunar landsins alls. Hann hefur hins vegar verið gagnrýndur fyrir að hafa ekki stutt flokkinn í Vestmannaeyjum í síðustu bæjarstjórnarkosningunum. Margir telja því að Páll verði ekki ráðherra sem sé slæmt því oddviti flokksins í kjördæminu eigi að fá ráðherrastöðu.

Morgunblaðið segir að talið sé að Guðrún muni veita hverjum sem er harða samkeppni um oddvitasætið ef hún ákveður að bjóða sig fram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Joe Biden stefnir á endurkjör

Joe Biden stefnir á endurkjör
Eyjan
Fyrir 3 dögum

Segir óhjákvæmilegt að gera bólusetningu gegn kórónuveirunni að skyldu í Þýskalandi

Segir óhjákvæmilegt að gera bólusetningu gegn kórónuveirunni að skyldu í Þýskalandi
Eyjan
Fyrir 4 dögum

Mogginn skýtur á Guðmund sem skýtur til baka – „Óvænt séð eigin spegilmynd í morgunsárið“

Mogginn skýtur á Guðmund sem skýtur til baka – „Óvænt séð eigin spegilmynd í morgunsárið“
Eyjan
Fyrir 5 dögum

Sauð upp úr í Silfrinu: Umræða um spítalann setti allt á hliðina – „Þegar það leggst inn fjöldi sem samsvarar þingflokki Sjálfstæðisflokksins verða takmarkanir út um allt í samfélaginu“

Sauð upp úr í Silfrinu: Umræða um spítalann setti allt á hliðina – „Þegar það leggst inn fjöldi sem samsvarar þingflokki Sjálfstæðisflokksins verða takmarkanir út um allt í samfélaginu“
Eyjan
Fyrir 1 viku

Einar nýr forstjóri Fjarðaráls

Einar nýr forstjóri Fjarðaráls
Eyjan
Fyrir 1 viku

Þrjú rótgróin iðnfyrirtæki sameinast – Áætluð velta verður um 4 milljarða fyrir 2023.

Þrjú rótgróin iðnfyrirtæki sameinast – Áætluð velta verður um 4 milljarða fyrir 2023.