Föstudagur 26.febrúar 2021
Eyjan

Þórarinn í Spaðanum vill kaupa Domino‘s

Kristján Kristjánsson
Miðvikudaginn 13. janúar 2021 08:14

Dominos Skeifunni. Mynd: Eyþór

Ekki missa af Helstu tíðindum dagsins í pósthólfið þitt

Lesa nánar

Þórarinn Ævarsson, fyrrum framkvæmdastjóri IKEA á Íslandi og stofnandi pitsastaðarins Spaðans, fer fyrir hópi fjárfesta sem vilja kaupa rekstur Domino‘s á Íslandi af Domino‘s Pizza Group í Bretlandi. Með Þórarni í hóp eru sagðir vera Jón Pálmason, annar eigenda IKEA hér á landi, og Guðni Rafn Eiríksson, fjárfestir og eigandi Skakkaturns sem er umboðsaðili Apple hér á landi, en þeir eru viðskiptafélagar hans í Spaðanum. Þórarinn kom að stofnun Domino‘s á Íslandi á sínum tíma og var framkvæmdastjóri fyrirtækisins frá 2000 til 2005.

Markaður Fréttablaðsins skýrir frá þessu í dag. Fram kemur að Alfa, sem rekur sjö milljarða króna framtakssjóð, hafi einnig skilað inn tilboði í pitsukeðjuna. Áður hefur verið skýrt frá því að fjárfestahópur undir forystu Birgis Þórs Bieltvedt hafi gert kauptilboð í reksturinn. Með Birgi, sem hefur tvisvar áður komið að kaupum á Domino‘s á Íslandi, í hóp eru Birgir Örn Birgisson, núverandi framkvæmdastjóri Domino‘s, og Skeljungur.

Markaðurinn segir að erlendir aðilar hafi einnig verið áhugasamir um fyrirtækið frá því að söluferlið hófst formlega í október. Það er Deloitte í Bretlandi sem hefur umsjón með sölunni.

Markaðurinn segir að stjórn Domino‘s í Bretlandi hafi ekki enn tekið ákvörðun um að hefja einkaviðræður á grundvelli skuldbindandi tilboðs við einhverja af þeim fjárfestum sem hafa skilað inn kauptilboði. Fyrirhugað er að fjárfestar eigi kynningarfund með forsvarsmönnum Domino‘s í Bandaríkjunum á næstunni en þeir þurfa að gefa samþykki fyrir sölu.

Domino‘s Pizza Group keypti rekstur Domino‘s á Íslandi í tvennu lagi 2016 og 2017 fyrir 8,4 milljarða króna. Markaðurinn segist hafa heimildir fyrir að kaupverðið fyrir allt hlutafé Domino‘s á Íslandi geti verið um tveir milljarðar króna að þessu sinni. Afkoma fyrirtækisins hefur versnað mjög á síðustu misserum vegna aukinnar samkeppni og hækkandi launakostnaðar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

EyjanFastir pennar
Fyrir 4 dögum

Forseti megi ekki sitja lengur en tólf ár

Forseti megi ekki sitja lengur en tólf ár
Eyjan
Fyrir 4 dögum

Heiðrún og Daði tókust á – „Auðvitað dettur engum heilvita manni í hug að bjóða upp á það“

Heiðrún og Daði tókust á – „Auðvitað dettur engum heilvita manni í hug að bjóða upp á það“
Eyjan
Fyrir 5 dögum

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“
Eyjan
Fyrir 6 dögum

Bólusetningadagatal komið út – Hvenær verðið þið bólusett?

Bólusetningadagatal komið út – Hvenær verðið þið bólusett?
Eyjan
Fyrir 1 viku

Jarðhræringar á Hengilssvæðinu gætu ógnað raforkuöryggi á höfuðborgarsvæðinu – Þjóðaröryggismál

Jarðhræringar á Hengilssvæðinu gætu ógnað raforkuöryggi á höfuðborgarsvæðinu – Þjóðaröryggismál
Eyjan
Fyrir 1 viku

Segir skort á íbúðarhúsnæði – Fólk fjárfestir í steypu

Segir skort á íbúðarhúsnæði – Fólk fjárfestir í steypu
Eyjan
Fyrir 1 viku

Samfélagsmiðlar og leitarvélar stýra hvernig við sjáum heiminn

Samfélagsmiðlar og leitarvélar stýra hvernig við sjáum heiminn
Eyjan
Fyrir 1 viku

Rósa Björk vildi toppsætið – Svo rann upp fyrir henni að uppstillingarnefndin væri ekki líkleg til að velja hana í það

Rósa Björk vildi toppsætið – Svo rann upp fyrir henni að uppstillingarnefndin væri ekki líkleg til að velja hana í það