Kjördæmavika stendur núna yfir þar sem þingflokkarnir ferðast um land allt til að hitta kjósendur og ræða málin. Þar gefst hinum almenna borgara gjarnan færi á að skamma, eða hrósa þingmönnum sínum í samtali við þá augliti til auglitis.

Sjálfstæðisflokkurinn er virkur á samfélagsmiðlum hvar birtar eru myndir frá öllum stoppistöðum á hringferð hans og hefur Ásmundur Friðriksson verið einna duglegastur við að taka myndir og birta.

Bjarnargreiði

Ein mynd virðist þó fá fleiri athugasemdir en aðrar hjá Ásmundi. Hann birtir mynd af kollegum sínum Páli Magnússyni og Guðlaugi Þór Þórðarsyni, utanríkisráðherra, þar sem þeir virðast ekki alveg með athyglina við fundarhöldin. Ekki fylgir sögunni hvort Bjarni Benediktsson hafi verið með framsögu, eða einhver heimamaður.

Athygli vekur þó að í athugasemdakerfinu virðast menn sármóðgaðir út í þá kumpána og telja margir þá vera sofandi en Sjálfstæðisflokkurinn var á Ísafirði þann 7. febrúar þegar Ásmundur birti myndina.

Hér er smá sýnishorn af athugasemdunum:

• „Báðir sofandi ?“
• „Sofandi sauðir. Ekki á vaktinni að vinna fyrir kaupinu.“
• Sýnist þeir vera eins og 99% Íslendinga í símanum
• „Frekar leiðinleg stund“
• „Þetta er hundleiðinlegt engin spurning“
• „Gulli í símanum og hinn sefur“
• „Frekar niðurlútir, eiginlega skömmustulegir, voru þeir að skandalísera eina ferðina enn ?“
• „Ekki fallega gert“
• „Rosalega leiðinlegt fundarfólk“
• „Eru þessir menn þátttakendur í svefnrannsóknum ?“
• „Á maður að bera virðingu fyrir þeim?“