fbpx
Miðvikudagur 05.ágúst 2020
Eyjan

Ný umferðalög: Ökumenn fá hraðasekt og geta misst bílprófið fyrir að keyra á 20 km/klst

Ritstjórn Eyjunnar
Fimmtudaginn 9. janúar 2020 09:30

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Samkvæmt nýjum umferðarlögum sem tóku gildi um áramót, má ekki keyra um vistgötur á meiri hraða en 10 km/klst. Í eldri lögunum var hámarkshraði í vistgötu 15 km/klst.

Til samanburðar er gönguhraði fullorðinna talinn vera um 5 km/klst. Fjallað er um þetta í Morgunblaðinu í dag.

Lögum samkvæmt getur lögregla því svipt ökumenn sem keyra á tvöföldum hraða, ökuréttindum í þrjá mánuði auk þess sem ökufantarnir mega eiga von á hárri hraðasekt.

Ef hraðinn mælist meiri en 10 km/klst er sektin 20 þúsund krónur, en 40 þúsund krónur ef hraðinn er meiri en 20 km/klst. Sem fyrr eru þó ákveðin vikmörk í mælingum lögreglu, ekki er byrjað að sekta fyrr en hraðinn er 5 km/klst yfir leyfðum hámarkshraða.

Fari hægt í sakirnar

Samkvæmt Guðbrandi Sigurðssyni aðstoðaryfirlögregluþjón umferðardeildar, hyggst lögreglan þó halda aftur af sér þegar kemur að viðurlögunum, að minnsta kosti fyrst um sinn:

„Við munum ekki fara fram með neinu offorsi. Við sjáum til hvernig málin þróast á þessu ári. En ákvæðið um hraðakstur er af hinu góða og hvetur fólk til varfærni.“

Þá er haft eftir Guðbrandi að hraðakstur á vistgötum hafi ekki verið mikið vandamál hingað til og ekki hafi borist kvartanir um slíkt að honum vitandi, heldur sé kvartað yfir því hvernig bílum geti verið lagt í vistgötum.

Vistgötur

Vistgata er gata þar sem umferð gangandi vegfarenda og hægfara faratækja — eins og reiðhjóla, hjólaskauta eða hjólabretta — hefur forgang fram yfir umferð bíla. Venjulega er hraði takmarkaður við gönguhraða og gangandi vegfarendum, börnum að leik o.s.frv. er heimilt að nota götuna til jafns við bíla. Slíkar götur eru hannaðar með því augnmiði að minnka hraða bifreiða, t.d. með hraðahindrunum og með því að hafa bílastæði til skiptis öðrum hvorum megin götunnar.

Vistgötur í Reykjavík eru fjölmargar. Samkvæmt Morgunblaðinu eru þær eftirfarandi:

Grjótagata, Mjóstræti, Brattagata, Fischersund, Aðalstræti milli Fischersunds og Vesturgötu, Vesturgata milli Grófarinnar og Aðalstrætis, Tryggvagata milli Lækjargötu og Pósthússtrætis, Kolasund, Hafnarstræti frá Kolasundi að Pósthússtræti. Smiðjustígur milli Laugavegar og Hverfisgötu, Haðarstígur, Válastígur. Beykihlíð, Birkihlíð, Lerkihlíð, Reynihlíð og Víðihlíð Seljahverfi,  Kaldasel, á milli nr. 18-24 og nr. 4-14.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 1 viku

Fylgi Pírata og Framsóknarflokks eykst – Píratar næst stærstir

Fylgi Pírata og Framsóknarflokks eykst – Píratar næst stærstir
Eyjan
Fyrir 1 viku

Hildur segir Ólaf Helga jafn óhæfan í Vestmannaeyjum – „Virkilega neikvæð skilaboð sem væri verið að senda“

Hildur segir Ólaf Helga jafn óhæfan í Vestmannaeyjum – „Virkilega neikvæð skilaboð sem væri verið að senda“
Eyjan
Fyrir 1 viku

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti
Eyjan
Fyrir 1 viku

Margrét kemur Ragnari til varnar – „Lærdóm verði að draga af misvitrum fjárfestingum“

Margrét kemur Ragnari til varnar – „Lærdóm verði að draga af misvitrum fjárfestingum“