fbpx
Mánudagur 06.júlí 2020
Eyjan

Bæjarstjóri bendir á sláandi staðreynd: „Á Vestfjörðum brennum við 500 tonnum af díselolíu til að framleiða rafmagn“

Ritstjórn Eyjunnar
Mánudaginn 20. maí 2019 13:15

Varaaflstöðin í Bolungarvík sem er í forgrunni myndarinnar, var tekin í gagnið árið 2015 en samanlagt brenna varaaflsstöðvar á Vestfjörðum um 500 tonnum árlega af díselolíu við framleiðslu rafmagns.

Ekki missa af Helstu tíðindum dagsins í pósthólfið þitt

Lesa nánar

Á Vestfjörðum fer rafmagnið 60-80 sinnum á ári. Þegar það gerist taka varaaflsstöðvar við. Sú nýjasta er í Bolungarvík, en hún komst í gagnið árið 2015. Varaaflsstöðvarnar á Vestfjörðum brenna árlega um 500 tonnum af díselolíu við framleiðslu rafmagns og spyr Guðmundur Gunnarsson, bæjarstjóri Ísafjarðarbæjar, hvort slíkt sé ásættanlegt og eðlilegt að svo lítið hafi breyst á 60 árum:

„Vissulega er orkan hreinni og rafmagnsleysi varla daglegt brauð en staðreyndin er samt sú að á Vestfjörðum brennum við 500 tonnum af díselolíu til að framleiða rafmagn á hverju einasta ári. 500 tonnum! Er það eðlilegt? Og kannski mikilvægasta spurningin af þeim öllum: Er það ásættanlegt? Í landi sem býr við ofgnótt hreinnar orku. Á tímum þar sem þorri fólks er að vakna til meðvitundar um loftslagsmál. Við verðum líka að hafa kjark til að tækla stóru málin.“

Uppsetning Hvalárvirkjunar í Ófeigsfirði á Ströndum, sem er í orkunýtingarflokki, er eitt stærsta skrefið í átt að hringtengingu rafmagns á Vestfjörðum og þar með yrði loksins komið á viðundandi raforkuöryggi á svæðinu. Afl virkjunarinnar yrði 55 MW og orkuframleiðslan 320 GWh á ári, sem er meira en heildarnotkun á öllum Vestfjörðum.

Með slíkri hringtengingu og langtum meira raforkuöryggi má ætla að hlutverk varaaflstöðvarinnar minnki til muna og vestfirðingar þyrftu ekki að brenna díselolíu til að hlaða rafmagns- og Hybrid bíla sína.

Umhverfisáhrif virkjunarinnar yrðu þó mikil og hefur styr staðið um virkjunina vegna þessa. Hefur orðræðan gjarnan farið í hefðbundnar skotgrafir, sem teiknuð er upp sem landsbyggðin gegn höfuðborgarbúum. Gagnrýna heimamenn gjarnan það viðhorf „sérfræðinga að sunnan“ að þeir megi ekki hlutast til um sína heimabyggð án þess að fá á sig umhverfissóðastimpil. Á meðan megi allskyns uppbygging eiga sér stað á höfuðborgarsvæðinu, án þess að mikið heyrist í umhverfisverndarsinnum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 4 dögum

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti
Eyjan
Fyrir 1 viku

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum
Eyjan
Fyrir 1 viku

Icelandair frestar hlutafjárútboði – Greiðslustöðvun náist ekki samningar

Icelandair frestar hlutafjárútboði – Greiðslustöðvun náist ekki samningar