Samkvæmt niðurstöðum Gallup könnunar fyrir Samtök atvinnulífsins og Seðlabanka Íslands, stefnir í áframhaldandandi fækkun starfsfólks næstu sex mánuðina.

Stjórnendur 422 stærstu fyrirtækja landsins voru spurðir um framtíðarhorfur næsta árs og er gert ráð fyrir að 600 manns missi vinnuna á tímabilinu, en 24 þúsund manns starfa hjá fyrirtækjunum í könnuninni og nemur fækkunin því hálfu prósenti:

„Sé niðurstaðan yfirfærð á allan almenna vinnumarkaðinn gæti störfum fækkað um rúmlega 600 á næstu sex mánuðum. Fjölgunin er tæplega 1.100 hjá þeim sem áforma fjölgun en fækkunin rúmlega 1.700 hjá þeim sem áforma fækkun.“

Alls 14% bjuggust við fjölgun í sínu fyrirtæki, en 24% töldu að fækkun myndi eiga sér stað, en mesta fækkunin er talin eiga sér stað í byggingarfyrirtækjum og verslunarstörfum, þó svo hún nái til allra starfa. Helst séu það sérhæfð þjónustustörf sem séu undanþegin.

Þá kemur fram að ekki séu væntingar um að staðan versni mikið meira á næstunni og að lítill skortur sé á starfsfólki. Þá eru verðbólguvæntingar stjórnenda svipaðar og Seðlabanka Íslands fyrir sama næsti 12 mánuði, eða um 2.5 prósent.

Svarhlutfall í könnuninni var 50%