fbpx
Föstudagur 07.ágúst 2020
Eyjan

Tekist á um Samherjamálið í Silfrinu – Helga Vala segir frystingu eigna eðlilega aðgerð

Ágúst Borgþór Sverrisson
Sunnudaginn 17. nóvember 2019 11:52

Ekki missa af Helstu tíðindum dagsins í pósthólfið þitt

Lesa nánar

Fjallað var um Samherjamálið í Silfrinu á RÚV í dag. Sólveig Anna Jónsdóttir, formaður Eflingar, staldraði við þá framgöngu Þorsteins Más Baldvinssonar sem ávarpaði starfsfólk Samherja á Dalvík og sagði að umfjöllun fjölmiðla og umræða um mútumál Samherja væri árás á starfsfólkið. Sólveig Anna benti á að Þorsteinn Már hefði hagnast persónulega um ríflega 5 milljarða króna á síðasta ári og þótti henni undarlegt að hann teldi sig og starfsfólk Samherja vera á sama báti. „Ótrúlega absúrd og lágkúra að leyfa sér þetta framferði,“ sagði Sólveig Anna.

Helga Vala Helgadóttir, þingmaður Samfylkingarinnar og lögmaður, hefur varpað því fram að eðlilegt sé að eignir Samherja séu frystar á meðan rannsókn skattarannsóknastjóra og héraðssaksóknara á málum fyrirtækisins færi fram. Egill Helgason spurði Helgu Völu hvort þetta væri nokkuð óábyrgt af henni. Helga Vala benti á að frysting eigna þýddi ekki lokun fyritækis eða vinnustöðvun. Frysting þýði að ekki sé hægt að selja eignir úr fyrirtækinu á meðan rannsókn fer fram. Benti Helga Vala á að þetta hafi verið gert við eignir meðlima hljómsveitarinnar Sigurrós á meðan rannsókn fór fram á skattamálum hljómsveitarinnar.

Sigríður Á. Andersen þingmaður Sjálfstæðisflokksins og fyrrverandi dómsmálaráðherra sagði mikilvægt að stjórnmálamenn færu ekki fram úr sér í umræðunni enda hefðu orð þeirra meiri áhrif en kaffistofuspjall. Minnti Sigríður á að mál einstaklinga hefðu áður ratað inn í sali Alþingis með ömurlegum afleiðingum og væri þar skemmst að minnast Geirfinnsmálsins og Hafskipmálsins, þar sem alþingismenn hefðu jafnvel vegið að mönnum úr ræðustóli Alþingis án þess að viðkomandi gætu svarað fyrir sig.

Tekist var á um hvort Kristján Þór Júlíusson, sjávarútvegsráðherra og fyrrverandi stjórnarformaður Samherja, gæti haldið embætti sínu. Helga Vala sagðist telja hann vera vanhæfan í öllum málum sem vörðuðu sjávarútveg í landinu.

Sólveig Anna gagnrýndi að Kristjón Þór hefði verið viðstaddur opnun nýs frystihúss Samherja á Dalvík tveimur dögum eftir að hann hefði sagt sig frá málum Samherja sem sjávarútsvegsráðherra. Sigríður Andersen taldi þessi ummæli lýsa misskilningi á því hvað felist í vanhæfi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 4 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 1 viku

Gagnrýnir Ásmund harðlega: „Eiginhagsmunagæsla og atkvæðakaup“

Gagnrýnir Ásmund harðlega: „Eiginhagsmunagæsla og atkvæðakaup“
Eyjan
Fyrir 1 viku

Icelandair stefnir á að ljúka samningum í vikulok – Gengisveiking styður við endurreisn félagsins

Icelandair stefnir á að ljúka samningum í vikulok – Gengisveiking styður við endurreisn félagsins
Eyjan
Fyrir 1 viku

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti
Eyjan
Fyrir 1 viku

Margrét kemur Ragnari til varnar – „Lærdóm verði að draga af misvitrum fjárfestingum“

Margrét kemur Ragnari til varnar – „Lærdóm verði að draga af misvitrum fjárfestingum“