fbpx
Föstudagur 07.ágúst 2020
Eyjan

Forstjóri Samherja segir að niðurstöður rannsóknar verði birtar – „Það vilja allir vinna heiðarlega“

Ritstjórn Eyjunnar
Sunnudaginn 17. nóvember 2019 11:54

Björgólfur Jóhannsson.

Ekki missa af Helstu tíðindum dagsins í pósthólfið þitt

Lesa nánar

Björgólfur Jóhannsson, fyrrum formaður SÍ og nýskipaður forstjóri Samherja, segir að niðurstöður úr ítarlegri rannsókn á fyrirtækinu verði birtar. Þetta kom fram í Sprengisandi í morgun en þar segir Björgólfur ákvörðunina hafa verið erfiða að taka við fyrirtækinu.

„Ég náttúrulega horfði á Kveik eins og aðrir og maður verður sjokkeraður að horfa á hvernig málin eru sett fram þar,“ segir Björgólfur.
„Ég fékk einfaldlega lítinn tíma til að hugsa mig um. Sameiginleg ákvörðun stjórnar og Þorsteins Más var að hann myndi víkja. Það væri þá ekki síst til þess að auka trúverðugleika á þeirri rannsókn sem stjórnin hefur sett í gang.“

Þá bætir Björgólfur við að hann álíti feril sinn vera góðan. „Ég hef ekki stundað slæma viðskiptahætti, vona ég,“ segir hann. Björgólfur lét af starfi sínu sem forstjóri Icelandair Group í fyrra, hvar hann hafði verið síðan 2008. Hætti hann í kjölfar mikils taps hjá félaginu og var hann sagður hafa hætt sjálfviljugur.

Hann er viðskiptafræðingur og starfaði einnig sem endurskoðandi. Hann var forstjóri Icelandic Group um tveggja ára skeið frá 2006, starfaði sem framkvæmdastjóri Síldarvinnslunnar frá 1999, formaður stjórnar LÍÚ á árunum 2003-2008, var framkvæmdastjóri nýsköpunar- og þróunarsviðs Samherja frá 1996 og fjármálastjóri Útgerðarfélags Akureyringa frá 1992-1996 og ætti því að þekkja ágætlega til Samherja.

„Það vilja allir vinna heiðarlega og gera hlutina samkvæmt lögum og ég trúi því að Samherji hafi verið á þeirri vegferð. Það á eftir að koma í ljós hvað kemur út úr þessari rannsókn,“ segir hann. „Það er okkar hlutverk að skýra frá niðurstöðunum. Ef þú ætlar að endurvinna traust og trúnað fólks, þá verður þú að segja hlutina eins og þeir eru. Ég er auðvitað að vona að það sé ekki mikið þarna sem gengið hefur á sem stenst ekki lög. En ég veit það ekki.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 4 dögum

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn
Eyjan
Fyrir 1 viku

Gagnrýnir Ásmund harðlega: „Eiginhagsmunagæsla og atkvæðakaup“

Gagnrýnir Ásmund harðlega: „Eiginhagsmunagæsla og atkvæðakaup“
Eyjan
Fyrir 1 viku

Icelandair stefnir á að ljúka samningum í vikulok – Gengisveiking styður við endurreisn félagsins

Icelandair stefnir á að ljúka samningum í vikulok – Gengisveiking styður við endurreisn félagsins
Eyjan
Fyrir 1 viku

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti

Sláandi frétt CBS um „vænissjúkan“ sendiherra á Íslandi – Vill byssu, brynvarðan bíl og stunguvesti
Eyjan
Fyrir 1 viku

Margrét kemur Ragnari til varnar – „Lærdóm verði að draga af misvitrum fjárfestingum“

Margrét kemur Ragnari til varnar – „Lærdóm verði að draga af misvitrum fjárfestingum“