Þriðjudagur 12.nóvember 2019
Eyjan

Þingmaður leitar húsráða á Facebook vegna þvagsýrugigtarkasts í stóru tá – Myndir

Ritstjórn Eyjunnar
Miðvikudaginn 9. október 2019 22:46

Ásmundur Friðriksson.

Ekki missa af Helstu tíðindum dagsins í pósthólfið þitt

Lesa nánar

Ásmundur Friðriksson, þingmaður Sjálfstæðisflokksins, ákvað að leita á náðir samfélagsmiðla í kvöld og fá aðstoð Facebook vina vegna þvagsýrugigtarkasts í stórutá á vinstri fæti. Birtir hann mynd af tánni, sem ber þess merki að ekki sé allt með felldu, en tekið skal fram að Ásmundur er þó ekki í bráðri lífshættu, þó svo afleiðingar þvagsýrugigtar geti verið alvarlegar og verkirnir miklir þegar köstin ríða yfir:

„Ég hélt ég væri laus við þvagsýrugigtina þennan fjanda sem vakti mig snemma í morgun. Ég er löngu hættur að taka lyf til að halda henni niðri svo þetta kom á óvart. Eftir slatta af verkjatöflum og litla athygli á fundum fór ég heim og lagði mig. Steinlá í 3 tíma og vonandi verður þetta þolanlegt á morgun. Er einhver með gott húsráð?”

spyr Ásmundur.

Neðst í fréttinni má sjá fót Ásmundar sem og dæmi um hvernig fætur geta orðið ef ekkert er að gert.

Eyjan varar viðkvæma við myndunum, sem gætu vakið óhug.

Hákarlalýsi, fíflablöð og ostabann

Ekki stendur á húsráðunum í athugasemdakerfinu, en Oddný G. Harðardóttir, þingflokksformaður Samfylkingarinnar, segir Ásmundi einfaldlega að leita læknis.

Aðrir ráðleggja honum að drekka mikið vatn og borða lítið. Enn aðrir ráðleggja honum að sneiða alfarið hjá því að borða ost. Einnig er honum ráðlagt að borða blöð af fífil jurt eða drekka hákarlalýsi.

Þá er Ásmundi bent á að taka ýmis lyf sem og pensillín, sýklalyf og bólgueyðandi lyf.

Getur orðið alvarlegt

Þess má geta að samkvæmt Vísindavefnum byrjar þvagsýrugigt oftast skyndilega með miklum verkjum og bólgu í einum lið. Sá liður sem oftast verður fyrir barðinu á þessu er fremsti liður stóru táar en aðrir liðir geta átt í hlut, til dæmis ökkli, hné, úlnliður eða olnbogi. Einkennin líkjast einna helst sýkingu með bólgu, roða og hita og staðurinn er mjög viðkvæmur við snertingu.

Ef ekkert er að gert getur hún valdið miklum skaða í liðum og nýrum, sem og öðrum líffærum. Orsakir hennar eru oftast óþekktar en hún herjar í 90 prósent tilfella á karlmenn og oftast eftir þrítugt.

Varðandi lækningu þá segir á Vísindavefnum:

„Í köstum eru notuð ýmis bólgueyðandi lyf, sem geta stytt kastið verulega, og mikilvægt er að hvíla bólgna liði. Til að minnka magn þvagsýru í líkamanum og minnka þannig hættu á þvagsýrugigtarköstum eru til lyf sem draga úr myndun þvagsýru og auka útskilnað hennar. Þeir sem eru með þvagsýrugigt ættu að forðast lyf sem hindra útskilnað þvagsýru í nýrum en það eru einkum þvagræsilyf og aspirín.“

Eyjan óskar Ásmundi góðs og skjóts bata.

VARÚÐ!!! HÉR AÐ NEÐAN BIRTAST MYNDIR AF FÆTI ÁSMUNDAR OG AF AFMYNDUÐUM FÆTI 

Fótur Ásmundar

Mynd af Vísindavefnum sem sýnir hvernig liðir geta orðið útleiknir ef ekkert er að gert.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Skiltin í bænum sögð ógna öryggi vegfarenda – „Þetta er hryllingur!“ – Stefnt að fjölgun

Skiltin í bænum sögð ógna öryggi vegfarenda – „Þetta er hryllingur!“ – Stefnt að fjölgun
Eyjan
Fyrir 3 dögum

Seðlabankastjóri virkur í athugasemdum

Seðlabankastjóri virkur í athugasemdum
Eyjan
Fyrir 3 dögum

Dularfullt félag keypti jörð með veiðirétti í Laxá í Aðaldal

Dularfullt félag keypti jörð með veiðirétti í Laxá í Aðaldal
Eyjan
Fyrir 4 dögum

Leiðaraskrif mín í tvö dáin flokksblöð

Leiðaraskrif mín í tvö dáin flokksblöð