fbpx
Miðvikudagur 18.september 2019  |
Eyjan

Alls 200 manns vantar enn til starfa á frístundaheimilin -1328 börn á biðlista – Sanna vill hækka launin

Ritstjórn Eyjunnar
Föstudaginn 23. ágúst 2019 10:48

Sanna Magdalena Mörtudóttir, borgarfulltrúi Sósíalistaflokks Íslands

Ekki missa af Helstu tíðindum dagsins í pósthólfið þitt

Lesa nánar

Samkvæmt tilkynningu frá Reykjavíkurborg frá því í gær gengur betur að ráða í stöður í leikskólum, grunnskólum og frístundamiðstöðvum nú en í fyrra. Þar er nefnt að búið sé að ráða í 98% stöðugilda  í grunnskólum, 96% í leikskólum og 78% í frístundaheimilum.

Á fundi borgarráðs í gær kom fram að alls 1328 börn væru á biðlista eftir að komast að í frístund eftir að skólatíma lýkur og átti eftir að ráða í 206 stöðugildi, þar af um 100 stöðugildi í frístundarheimilum, sem eru um 200 manns þar sem um hálft starf er að ræða. Alls er búist við að um 4000 börn nýti sér frístundaúrræðið í vetur, en að jafnaði starfa um 950 manns hjá frístundaheimilum í 440 stöðugildum.

Skoði þurfi launamálin

Sanna Magdalena Mörtudóttir, borgarfulltrúi Sósíalistaflokksins, segir að nauðsynlegt sé að leiðrétta launamál til að fá fólk til að vinna við barnagæslu:

„Í almennri umræðu hafa launamál verið nefnd í tengslum við stöðuráðningar en mörg störf innan skóla- og frístundasviðs eru láglaunuð og nauðsynlegt er að búa starfsfólki aðstæður þar sem laun eru mannsæmandi. Auglýsingaherferð skóla- og frístundasviðs sýnir fram á mikilvægi starfanna og því er erfitt að skilja misskiptingu innan borgarkerfisins, þar sem þeir sem eru hæst launaðir hafa margfalt hærri laun en margir sem starfa hjá sviðinu. Nauðsynlegt er að leiðrétta launamál í þessu samhengi sem óneitanlega hlýtur að spila inn í hvort fólk ákveði að ráða sig til starfa.“

Sanna lagði fram fyrirspurn á fundi borgarráðs í gær, um hvernig færi ef ekki tækist að ráða fólk til starfa:

„Þegar eftir á að ráða í stöður á leikskólum og frístundaheimilum og sértækum frístundamiðstöðvum þá er inntöku barna frestað og fleiri börn tekin inn eftir því sem fjölgar í starfsmannahópnum. Skólaskylda er í grunnskóla og því ekki hægt að fresta inntöku barna ef skortur er á starfsfólki. Hvernig er málunum t.d. háttað þegar skortur er á skólaliðum? Fá starfandi skólaliðar þá greitt auka álag fyrir að sinna stærri barnahópi en þeir eiga að vera að sinna? Hver eru viðmiðunarmörkin í þessum málum?“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 21 klukkutímum

Dómsmálaráðherra vill breytingar hjá lögreglunni – Aukin hagkvæmni og minni yfirstjórn

Dómsmálaráðherra vill breytingar hjá lögreglunni – Aukin hagkvæmni og minni yfirstjórn
Eyjan
Í gær

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“
Eyjan
Í gær

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“
Eyjan
Í gær

Svona vill Gunnar leysa umferðarhnútinn í Reykjavík: „Ættum að geta lifað við þetta“

Svona vill Gunnar leysa umferðarhnútinn í Reykjavík: „Ættum að geta lifað við þetta“
Eyjan
Í gær

Eyþór Arnalds: „ Fuck you, I won´t do what you tell me“

Eyþór Arnalds: „ Fuck you, I won´t do what you tell me“
Eyjan
Í gær

Eftirlitsstofnanir ríkisins þenjast út – Vaxandi útgjöld ár eftir ár

Eftirlitsstofnanir ríkisins þenjast út – Vaxandi útgjöld ár eftir ár