Netverslunin AHA mun gera íbúum höfuðborgarinnar kleift að fá mat og vörur sendar með dróna, eða flygildi. Verða íbúar höfuðborgarinnar þeir fyrstu í heiminum sem geta nýtt sér slíka þjónustu en fram til þessa hafa tilraunir með drónasendingar aðeins verið gerðar í dreifbýli á Englandi. Er slíkum sendingum ætlað að auka skilvirkni í heimsendingaþjónustu, draga úr orkunotkun sem og að stytta sendingartímann.

Mar­on Kristó­fers­son ann­ar stofn­andi og eig­andi AHA segir í samtali við mbl.is í dag að til að byrja með verði sent frá fyrirtækjum og veitingastöðum í nágrenni höfuðstöðva AHA í Skútuvogi og lent verði við Skemmtigarðinn í Grafarvogi þar sem viðskiptavinir geti sótt vöruna eða matinn. Drónarnir verði aðeins tveir til að byrja með en gert sé ráð fyrir að fjölga þeim á næstunni.

Maron segir aðeins tímaspursmál hvenær sendingarnar verði svo heim að dyrum:

Spurn­ing­in er hvort að það verði eft­ir eitt ár, þrjú ár eða fimm ár. Eins og staðan er í dag myndi ég ekki vilja vera ábyrg­ur fyr­ir því fljúga yfir garða fólks og láta pakk­ann síga niður en þegar við erum búin að fara nokk­ur þúsund ferðir er hægt að skoða næstu skref.