Sænska blaðið Expressen hefur birst myndbandsupptöku af inngangi verslunar í Drottninggatan í miðborg Stokkhólms. Upptakan er frá hryðjuverkaárásinni sem gerð var þar um hádegisbil í dag að íslenskum tíma.

Á myndbandinu í byrjun má sjá friðsæla og fjölfarna göngugötu í höfuðborg Svíþjóðar á föstudags síðdegi. Fólk nýtur þess að rölta um á meðan aðrir eru að flýta sér.

Skyndilega gerist eitthvað. Fólk byrjar að hlaupa.

Svo má sjá hvernig fólk kemur skyndilega og nánast kastar sér inn um dyr verslunarinnar.

Augnabiki síðar æðir flutningabíllinn hjá á ofsahraða.

Smellið hér til að sjá myndbandið á vef Expressen.

Síðustu fréttir:

Nú hefur verið staðfest að fjórir létust í árásinni eftir að ein manneskja andaðist á sjúkrahúsi nú síðdegis. Aftonbladet greinir frá því að fimmtán manns eru slösuð, þar af níu alvarlega. Tvö börn eru meðal hinna slösuðu og er annað þeirra þungt haldið. Sænska lögreglan hefur staðfest að hafa handtekið einn mann í Märsta-úthverfinu í Stokkhólmi sem grunaður er um aðild að hryðjuverkinu. Hann mun meiddur.