Aron Einar Gunnarsson fyrrum fyrirliði landsliðsins lék allar 90 mínúturnar með íslenska landsliðinu í 2-1 tapi gegn Kosóvó í gær.

Aron sem hefur nánast allan sinn feril spilað sem miðjumaður lék sem miðvörður í fyrsta landsleik Arnars Gunnlaugssonar í gær.

Líklega er það staðan sem Aron mun spila með landsliðinu næstu mánuði og ár.

Meiðsli hafa aftrað Aroni síðustu ár og hann ekki getað tekið þátt í öllum þeim landsleikjum sem hafa verið.

Hann spilaði síðast 90 mínútur í landsleik í september árið 2022 þegar liðið lék undir stjórn Arnars Þórs Viðarssonar, hann kláraði aldrei heilan leik undir stjórn Age Hareide.

Aron er einn besti landsliðsmaður sem Íslands hefur átt en á milli 90 mínútna landsleikja liðu 911 dagar.