Cody Gakpo sóknarmaður Liverpool verður áfram frá gegn Aston Villa á morgun, hann var frá um helgina í sigri gegn Wolves og er áfram á sjúkrabekknum.
Hann ætti þó ekki að vera lengi frá en ekki er sömu sögu að segja af Joe Gomez varnarmanni liðsins.
„Það er gríðarlegt áfall fyrir Gomez og okkur, hann lagði mikið á sig til að ná sér en er meiddur aftur. Hann verður lengi frá, vonandi nær hann endasprettinum,“ sagði Arne Slot í dag.
Meiðsli Gomez eru á læri og sagði Slot það til skoðunar að Gomez færi í aðgerð vegna þess.
Gomez lék ellefu mínútur gegn Plymouth í bikarnum en þá hafði hann verið meiddur í rúmar sex vikur.
