Ruud van Nistelrooy hefur ekki hugmynd um það hvort hann verði rekinn á mánudag eða boðið að halda áfram starfi.
Ruben Amorim tekur við stjórn United á morgun en Nistelrooy hefur stýrt liðinu nú tímabundið.
Sá hollenski hefur hins vegar ekki fengið að vita neitt um það hvort hann verði rekinn eða boðið að vera í teymi Amorim.
„Ég kíkti á símann minn áðan og það var samband en ég hef ekkert heyrt. Ég verð að bíða rólegur,“ sagði Nistelrooy.
Nistelrooy tók til starfa í sumar hjá United þegar Erik ten Hag réð hann en Ten Hag var svo rekinn.
