Markvörðurinn geðþekki Joe Hart hefur staðfest það að hann sé að leggja hanskana frægu á hilluna.
Hart er 36 ára gamall í dag en hann er á mála hjá Celtic í Skotlandi og mun klára tímabilið með félaginu.
Hart er þekktastur fyrir tíma sinn hjá Manchester City þar sem hann lék frá 2006 til 2018.
Ekki nóg með það þá spilaði Hart 75 landsleiki fyrir England og hefur verið aðalmarkvörður Celtic undanfarin þrjú ár.
Hart vann deildina tvisvar með City á sínum ferli, enska bikarinn einu sinni og deildabikarinn tvisvar.
