Skiptum er lokið í þrotabúi GRGS ehf., félags sem var í eigu Berglindar Guðmundsdóttur. Félagið var stofnað árið 2018 utan um rekstur eins vinsælasta matarbloggs landsins, Gulur, rauður, grænn og salt. Auk vinsælla mataruppskrifta hefur Berglind verið í samstarfi við fjölmörg fyrirtæki sem og komið að sjónvarpsþáttagerð.
Félagið var úrskurðað gjaldþrota þann 25. janúar 2023 en í auglýsingu i Lögbirtingblaðinu í dag kemur fram að skiptum hafi lokið þann 31. maí síðastliðinn.
Lýstar kröfur í búið voru 10.094.050 kr. en samþykktar kröfur voru 10.051.929 kr.
Samkvæmt úthlutunargerð greiddist skiptatrygging að fjárhæð kr. 350.000 að fullu auk forgangskröfu að fjárhæð kr. 789.824. Auk þess greiddust kr. 488.685, eða um 5,3% upp í almenna kröfu. Ekkert fékkst greitt upp í eftirstæðar kröfur.
