Breski söngvarinn Harry Styles og bandaríska fyrirsætan Emily Ratajkowski virtust njóta sín saman í Tókýó á dögunum.
Myndband af þeim kyssast hefur farið eins og eldur í sinu um netheima.
— Pop Base (@PopBase) March 26, 2023
Harry Styles var í sambandi með leikkonunni og leikstjóranum Oliviu Wilde um tveggja ára skeið en því ástarævintýri lauk í nóvember 2022.
Emily skildi við barnsföður sinn, Sebastian Bear-McClard, í september 2022 eftir fjögurra ára hjónaband.
Síðan þá hefur hún ruglað saman reytum við grínistann Pete Davidson. Fyrr á árinu átti hún í stuttu ástarsambandi með grínistanum Eric André og er hún einnig sögð hafa farið á nokkur stefnumót með Brad Pitt.
Harry Styles, 29 ára, og Emily Ratajkowski, 31 árs, voru bæði í Tókýó um helgina, en söngvarinn var með tónleika í Japan. Myndbönd af þeim hafa farið á mikla dreifingu um netheima, í einu þeirra má sjá þau dansa saman og í öðru kyssast þau innilega.
Harry Styles and Emily Ratajkowski out in Tokyo recently!
pic.twitter.com/DXLE5Ef6bP— Harry and Niall News! (@HarryNiallNews) March 26, 2023
Harry Styles and Emily Ratajkowski spotted kissing in Tokyo. pic.twitter.com/F2PXeK7wli
— Pop Base (@PopBase) March 26, 2023
Aðdáendur spyrja sig hvort þau séu einfaldlega að hafa gaman saman, eða hvort um sé að ræða nýjasta stjörnupar Hollywood.
