Stefán Geir Gunnarsson tók ótrúlega fallegar og litríkar myndir af þjóðhátíðarbrennunni í Vestmannaeyjum í gærkvöld. Um þetta segir hann á Facebook-síðu sinni:
„Eftir að ég fór að fikta með myndavél hefur blundað í mér að sýna öðrum þá“ létt-geggjun“ sem er að baki brennunni á Þjóðhátíð og því sem gengur á þegar þetta á sér stað. Er sjálfur í Heimaleikjaráði handboltans hér í Eyjum, mér til mikillar ánægju, til að geta aðstoðað mitt félag. Liðið í kringum handboltann hér er vægast sagt “ létt geggjað“ sér m.a. um brennuna á Þjóðhátíð á hverju ári. Er að reyna hér, með myndaröð, að sýna öðrum hversu „klikkað þetta lið er“ gegnum linsuna í aðdraganda brennunnar á Þjóðhátíð.“
Stefán segist vona að myndirnar sýni hvað gengur á í aðdraganda brennunnar en hvetur fólk til að fara varlega:
„Ráðlegg öðrum aðstandendum útihátíða, sem eru að fikta með eldspýtur, að vera ekki að reyna að leika þetta eftir. Vona að þessi myndaröð sýni hvað gengur á í aðdraganda brennunnar. Gleðilega Hátíð.“