Breiðablik og Víkingur R. sigruðu sína leiki í annarri umferð forkeppni Sambandsdeildar UEFA í síðustu viku og standa vel af vígi.
Víkingur hefur unnið sér inn 910.000 evrur hingað til sem eru 127 milljónir króna en Breiðablik hefur fengið 550 þúsund evrur eða 76 milljónir króna.
Víkingar fá talsvert meira í upphafi enda varð liðið Íslandsmeistari á síðustu leiktíð og hóf leik í Meistaradeild Evrópu. Í boði eru svo 300 þúsund evrur fyrir liðin fari þau áfram í þessari umferð, eða 41 milljón króna.
Víkingur R. tók á móti The New Saints frá Wales. Víkingar sigruðu leikinn, líkt og Breiðablik, með tveimur mörkum gegn engu. Kristall Máni Ingason skoraði bæði mörkin úr vítaspyrnu. Síðari leikur Víknigs R. og The New Saints fer fram í Wales í kvöld
Breiðablik tók á móti Buducnost Podgorica frá Svartfjallalandi og sigruðu heimamenn leikinn með tveimur mörkum gegn engu. Mörk Blika skoruðu Kristinn Steindórsson og Höskuldur Gunnlaugsson. Síðari leikur liðanna fer fram í Svartfjallalandi á fimmtudag.
