Einkaþjálfarinn Arnar Grant og Kristín Hrönn Guðmundsdóttir, forstöðumaður hjá Íslandsbanka, eru skilin. Smartland greinir frá þessu og vísar til hjúskaparstöðu Arnars samkvæmt Þjóðskrá Íslands.

Kristín og Arnar giftu sig árið 2014.

Arnar hefur verið töluvert til umræðu frá því að Vítalía Lazareva steig fram í hlaðvarpinu Eigin konum og opnaði sig um ástarsamband sitt og Arnars, sem hún þó nafngreindi ekki. Hún sagði einnig að fjórir þjóðþekktir vinir hans hafi brotið gegn henni kynferðislega, en þeir voru seinna nafngreindir í fjölmiðlum.

Sjá einnig: Vítalía sakar þjóðþekkta menn um alvarleg brot gegn sér – „Ég horfi í augun á honum og ég er við það að gráta“

Í kjölfar frásagnarinnar var greint frá því að Arnar Grant væri kominn í leyfi frá störfum sínum sem einkaþjálfari hjá World Class.

Sjá einnig: Samantekt á máli dagsins – Fimm þjóðþekktir karlmenn stíga til hliðar í kjölfar ásakana ungrar konu um kynferðisbrot