Lögreglan á Vesturlandi greinir frá því að í dag rétt eftir hádegi hafi orðið árekstur þriggja bifreiða á Snæfellsvegi. Alls voru 12 manns í bílunum þremur, bæði börn og fullorðnir.

Beita þurfti klippum til að ná einum aðila úr bifreið sinni, en lögregla, tækjabifreið frá slökkviliði og sjúkralið fór u á vettvang.

Að sögn lögreglu liggja upplýsingar um alvarleika meiðsla ekki fyrir en einn var fluttur með sjúkrabifreið á bráðamóttökuna í Fossvogi en aðrir á sjúkrahúsið á Akranesi til aðhlynningar.

Engin bílanna þriggja var í ökuhæfu ástandi eftir áreksturinn og voru þær fluttar af vettvangi með kranabifreiðum. Rannsóknardeild lögreglunnar á Vesturlandi ásamt rannsóknarnefnd umferðarslysa fór á vettvang.