Á níunda tímanum í gærkvöldi var lögreglunni tilkynnt að ungmenni hefðu ráðist á strætisvagnastjóra í austurhluta borgarinnar. Foreldrar og barnaverndaryfirvöld voru kölluð til vegna málsins.

Einn var handtekinn síðdegis í gær fyrir blygðunarsemisbrot og vörslu fíkniefna. Viðkomandi var í annarlegu ástandi og var vistaður í fangageymslu.

Einn var handtekinn á áttunda tímanum eftir að hafa sýnt af sér ógnandi tilburði. Hann var vistaður í fangageymslu.

Tveir ökumenn voru handteknir í nótt grunaðir um að vera undir áhrifum fíkniefna. Annar þeirra reyndist vera sviptur ökuréttindum og hinn var kærður fyrir vopnalagabrot og vörslu fíkniefna.

Ölvaður maður læsti sig út úr íbúð sinni í fjölbýlishúsi. Lögreglunni tókst að aðstoða hann og koma honum inn.

Einn var handtekinn í austurhluta borgarinnar á ellefta tímanum en sá er grunaður um hótanir og líkamsárás. Hann var vistaður í fangageymslu.