Hópur ungmenna réðst á annað ungmenni í Kringlunni og rændu af viðkomandi síma. Í árásinni var meðal annars kylfu beitt og urðu afleiðingarnar þær að brotaþoli slasaðist talsvert og var fluttur á slysadeild. Málið var afgreitt með aðkomu Barnaverndar og foreldra samkvæmt dagbók lögreglu.

Þar kemur fram að mikið annríki hafi verið hjá lögreglu en 78 mál voru skráð niður frá kl.17 í gær. Flest málanna snerust um líkamsárásir, að hafa afskipti af ökumönnum undir áhrifum vímuefna eða hreinlega að koma ölvuðum einstaklingum til bjargar. Í dagbókinni kemur fram að tveir einstaklingar, í miðbænum og Seltjarnarnesi, hafi þurft aðstoð eftir að dottið á andlitið sökum ölvunar. Þá þurfti lögreglan að aðstoða ölvaðan mann í Árbænum sem rataði ekki með nokkru móti heim til sín.