Skiptum á þrotabúi Bragðgotts ehf. er nú lokið, að því er segir í auglýsingu þar um sem birtist í Lögbirtingablaðinu í dag. Félagið var úrskurðað gjaldþrota og búið tekið til skipta þann 8. júlí í fyrra. Einar Oddur Sigurðsson var skipaður skiptastjóri.

Lýstur kröfur í þrotabúið námu 38,8 milljónum króna, en ekkert fékkst upp í þær kröfur.

Fyrir gjaldþrot félagsins var 70% hluti þess í eigu Bergssons & Co ehf., og afgangurinn í eigu Heiðrúnar Önnu Björnsdóttur. Bergsson & Co ehf. er alfarið í eigu Þóris Helga Bergssonar sem hefur verið stórtækur á íslenskum veitingamarkaði undanfarin misseri. Tók hann til að mynda nýlega við rekstri Snaps við Óðinstorg, auk þess sem hann hefur rekið Bergsson Mathús undanfarin ár og kom að rekstri Iðnó samkvæmt samningi við Reykjavíkurborg fram að gjaldþroti Iðnó í fyrra.

Árið 2019 seldu þau Þórir og Heiðrún hluta af rekstri Bragðgotts ehf., úr félaginu til hreingerningarfyrirtækisins Daga. Tóku Dagar þar með við rekstri mötuneyta Bragðgotts. Þeirra á meðal voru mötuneytin á meðferðarstofnunum SÁÁ.