Helgi Sigurðsson, skopmyndateiknari Morgunblaðsins, hefur ítrekað vakið athygli undanfarið fyrir að birta myndir í blaðinu sem mætti túlka sem áróður gegn bólusetningum.
Þórður Snær Júlíusson, ritstjóri Kjarnans, deildi einni slíkri mynd fyrir viku síðan og velti upp spurningunni hvort að með birtingu mynda Helga væri Morgunblaðið að styðja við þennan áróður.
„Ef ritstýrt dagblað birtir, ítrekað, svona andbólusetningarsamsærisþvælu pakkaðri inn sem dystópísku skopo, er þá hægt að draga aðra ályktun en að blaðið bakki þvæluna einfaldlega upp?“
Þórður telur að nú hafi Morgunblaðið svarað þessari spurningu en í nýjasta blaðinu má sjá skopmynd Helga þar sem maður í búning úr vinsælu þáttunum Squid Game og býður lesendum að velja milli tveggja pilna – líkt og eftirminnilega var boðið upp á í fyrstu kvikmyndinni í Matrix – seríunni.
Við bláu pilluna stendur- „Taktu bláu örvunarpilluna og vonaðu að þú verðir ekki einn af miklum fjölda þolenda alvarlegra aukaverkana sem sóttvarnayfirvöld minnast aldrei á.“
Og við rauðu pilluna stendur – „Eða taktu rauðu pilluna og sjáðu að náttúrlegt ónæmi ver þig fyrir manngerðu pestinni ef nóg er af D-vítamíni í líkama þínum.“
Ljóst er af orðavalinu sem og litunum að Helgi Sig telur rétta valið vera það seinna, rauðu pilluna. En rauða pillan hefur frá því Matrix kom út þótt standa fyrir það að vera tilbúinn að opna augun fyrir sannleikanum á meðan blá pilla er tengd því að vilja halda áfram að lifa við fáfræði.
Þórður skrifar með myndinni: „Ok. Þá er það bara skýrt. Morgunblaðið er þarna.“
Ok. Þá er það bara skýrt. Morgunblaðið er þarna. https://t.co/AT79xowIGf pic.twitter.com/DUTHDvvWZ9
— Þórður Snær Júlíusson (@thordursnaer) October 23, 2021
Margir hafa deilt færslu Þórðar eða skrifað athugasemd við hana og furða sig á Morgunblaðinu. Einn merkir Morgunblaðið og skrifar: „@mblfrettir Eruð þið að sniffa skipalakk?
Annar skrifar: „Löngu orðið gjörsamlega galið. Shit.“
Enn annar skrifar: „Ef þú kæri lesandi, kaupir Moggann, auglýsir þar eða jafnvel bara lest blaðið (og þar með sérð auglýsingarnar sem gefa blaðinu tekjur) þá ertu að ýta undir dreifingu á óábyrgum upplýsingum sem þessum. Það er til margur og betri miðill en frétabréf xD.“
Hér má sjá dæmi um fleiri skopmyndir Helga sem mætti túlka sem áróður gegn bólusetningum.
Mogginn birtir skopmynd þar sem tekið er undir inntak álhattamyndar þar sem því var ma haldið fram að bóluefni leiddi til ófrjósemi og að með því væri verið að planta örflögum í fólk. Já og að svindlað hafi verið á Trump í kosningunum. Falsfréttir á sterum. En Mogginn er geim. pic.twitter.com/mcjJKEh9Wv
— Þórður Snær Júlíusson (@thordursnaer) July 27, 2021
Ég skil ekkert. pic.twitter.com/dQiC1CzwKs
— Jóhann Óli Eiðsson (@jedissson) June 15, 2021
Skopmynd Moggans í dag er mjög í anda nýmiðlunar – lesendum er boðið að fara á YouTube til að kynna sér merkilegar kenningar um hvernig lækna má Covid-19 með ósónmeðferð. pic.twitter.com/oBw5Dt3B2w
— Halldór Auðar Svansson (@tharfagreinir) August 18, 2020
