Að minnsta kosti fjórir létust í árásinni í Kongsberg í kvöld. Lögreglumaður var skotinn í bakið með ör. Drammens Tidende skýrði frá þessu fyrir nokkrum mínútum.
Lögreglan skýrði frá því á fréttamannafundi fyrr í kvöld að margir væru særðir og látnir eftir árásina og að árásarmaðurinn hefði verið handtekinn.
Á tíunda tímanum, að norskum tíma, var tekin ákvörðun um að allir norskir lögreglumenn skuli bera skotvopn tímabundið í ljós atburðanna í Kongsberg. Þeir eru alla jafna ekki vopnaðir skotvopnum.
Lögreglan boðaði til annars fréttamannafundar klukkan 22 að staðartíma. Á honum kom fram að margar tilkynningar hafi borist klukkan 18.30 um mann vopnaðan mann sem færi um bæinn og væri að skjóta á fólk. Árásarmaðurinn var handtekinn klukkan 18.47. Hann er talinn hafa verið einn að verki. Ekki liggur fyrir hvort um hryðjuverk var að ræða en verið er að rannsaka þann möguleika, ástæða er til að rannsaka það sagði lögreglustjórinn. Hinn handtekni er karlmaður, meira vildi lögreglan ekki segja um hann.
Lögreglan í bænum fékk aðstoð frá öðrum lögregluliðum því ástandið var óviðráðanlegt að sögn lögreglustjórans í Kongsberg. Hann vildi ekki skýra frá hversu margir væru látnir.
Erna Solberg, forsætisráðherra, hefur boðað til fréttamannafundar nú á eftir.
