Cristiano Ronaldo hefur birt færslu á Instagram þar sem hann kveður Juventus en hann hefur samið við Manchester United.
Yfirlýsing Ronaldo
Í dag kveð ég frábært félag, það stærsta á Ítalíu og eitt það stærsta í Evrópu. Ég gaf hjarta og sál fyrir Juventus og ég mun alltaf elska borgina til síðasta dags. Stuðningsmenn báru alltaf virðingu fyrir mér og ég reyndi að borga til að baka með því að berjast í hverjum leik, öll tímabilin, í öllum keppnum. Þegar allt kemur til alls getum við horft til baka og séð að við náðum frábærum árangri. Við náðum ekki öllum markmiðum en við skrifuðum fallega sögu saman.
Ég verð alltaf einn af ykkur, þið eruð núna hluti af sögu minni og ég er hluti af ykkar sögu. Ítalía, Juve, Turin, þið verðið alltaf í hjarta mínu.
Ronaldo birti með kveðju sinin fallegt myndband af hans bestu augnablikum með Juventus.
Sky Sports segir að Ronaldo muni fá 480 þúsund pund í vikulaun og verður hann þar með launahæsti leikmaður enska boltans. Ronaldo er 36 ára gamall en hann fær 84 milljónir íslenskra króna vikulega.
Ronaldo er 36 ára gamall og vildi burt frá Juventus, eftir 12 ára dvöl hjá Real Madrid og Juventus er Ronaldo aftur á leið til United.
Ronaldo mun gera tveggja ára samning við United en The Athletic segir engar líkur á að United láti Edinson Cavani fara vegna þess.
