Eitt atvik er rætt eftir eftir leik gærkvöldsins í Vestmannaeyjum Keflavík heimsótti ÍBV til Vestmannaeyja og vann mikilvægan sigur í fallbaráttunni. Birta Hallgrímsdóttir kom gestunum yfir á 10. mínútu.

Snemma í seinni hálfleik varð Guðný Geirsdóttir, leikmaður ÍBV, fyrir því óláni að setja boltann í eigið mark. Keflavík komið í 0-2. Um stundarfjórðungi síðar fékk Guðný svo að líta rauða spjaldið. Manni færri tókst Eyjakonum að minnka muninn á 72. mínútu. Þá skoraði Þóra Björg Stefánsdóttir.

Nær komust þær þó ekki. Lokatölur 1-2. ÍBV er í sjöunda sæti deildarinnar með 16 stig. Keflavík er sæti neðar með 12 stig.

Liana Hindis leikmaður ÍBV sló leikmann Keflavíkur, atvikið átti sér stað á 85 mínútu. Atvikið vakti furðu og þá sérstaklega sú staðreynd að Ólafur Njáll Ingólfsson, dómari leiksins gaf Liana aðeins gula spjaldið.

„Hvaða risagrín er i gangi herna. Gult spjald? Hvernig i ósköpunum. Hvaða rugl er þetta,“ skrifar Orri Sigurður Ómarsson leikmaður í efstu deild karla.

Atvikið má sjá hér að neðan.

Hvaða risagrín er i gangi herna. Gult spjald? Hvernig i ósköpunum. Hvaða rugl er þetta #PepsiMaxKvenna pic.twitter.com/5z8l10RAiE

— Orri Omarsson (@OrriSOmarsson) August 17, 2021