Hetja KR-inga í gær gegn HK í efstu deild karla er ekki sátt með Hjörvar Hafliðason og myndskeið sem hann setti á Twitter. Kjartan Henry Finnbogason var hetja KR í Kórnum í gærkvöldi.
Það var allt á suðupunkti í Kórnum í Kópavogi í gær en tvö rauð spjöld fóru á loft í fyrri hálfleik. KR leiddi í hálfleik þrátt fyrir að snemma leiks hafi Arnþór Ingi Kristinsson fengið rauða spjaldið. Elías Ingi Árnason dómari leiksins var ekki í nokkrum vafa þegar hann gaf Arnþóri sitt annað gula spjald. „Annað gula hjá Arþóri Inga. Spot on,“ skrifar Hjörvar Hafliðason, Dr. Football og stuðningsmaður HK. Spjaldið rauða má sjá hér að neðan.
Annað gula hjá Arþóri Inga. Spot on. pic.twitter.com/7SayyRCtYn
— Hjörvar Hafliðason (@hjorvarhaflida) August 16, 2021
Allt varð vitlaust eftir rauða spjaldið og fauk í Rúnar Kristinsson þjálfara KR sem lét ýmis orð falla, mátti heyra þau í beinni útsendingu. „Rúnar Kristins við Helga fjórða dómara. „Þið eru nú meiru helvítis jólasveinarnir“ Ekki einu sinni gult spjald,“ segir Hjörvar Hafliða á Twitter.
Við þessa færslu Hjörvars virðist Kjartan Henry óhress með og skrifar. „Skíttu ekki í þig…,“ skrifar Kjartan í svari til Hjörvars
Skíttu ekki í þig…
— Kjartan Henry Finnbogason (@kjahfin) August 16, 2021
Kjartan Henry mætti heim í KR í sumar eftir farsælan feril í atvinnumennsku þar sem hann raðaði inn mörkum í Danmörku. Hann skoraði eina mark leiksins í Kórnum í gær.
Rúnar Kristins við Helga fjórða dómara. „Þið eru nú meiru helvítis jólasveinarnir“ Ekki einu sinni gult spjald. pic.twitter.com/HJbftyjW1v
— Hjörvar Hafliðason (@hjorvarhaflida) August 16, 2021
