Aston Villa ætlar að reyna að kaupa Todd Cantwell, sóknarsinnaðan miðjumann Norwich, til að fylla í skarð Jack Grealish sem er á leið til Manchester City. Sky Sports greinir frá.
Búist er við því að hinn 25 ára gamli Grealish gangi í raðir Man City fyrir 100 milljónir punda síðar í dag.
Þegar skiptin hafa gengið í gegn ætlar Villa strax á eftir hinum 23 ára gamla Cantwell.
Norwich hefur þegar selt Emi Buendia til Villa í sumar og hefur engan áhuga á því að selja Cantwell einnig.
Villa mun því þurfa að leggja ansi rausnarlegt tilboð á borðið til þess að nýliðarnir íhuga að selja leikmanninn.
Norwich mun leika í ensku úrvalsdeildinni á nýjan leik næsta vetur eftir stutt stopp í B-deildinni.
