Tveir Íslendingar komu við sögu í dönsku B-deildinni í dag.
Ísak Óli Ólafsson lék nær allan leikinn fyrir Esbjerg í 1-3 tapi gegn Helsingör. Hann nældi sér í gult spjald í leiknum. Andri Rúnar Bjarnason var ekki í hóp hjá Esbjerg.
Liðið er með 1 stig eftir fyrstu tvo leikina í B-deildinni.
Ágúst Eðvald Hlynsson kom inn á sem varamaður þegar um hálftími var eftir í 1-4 sigri gegn Fremad Amager.
Horsens er með 3 stig eftir að hafa tapað í fyrstu umferðinni.
