Því er haldið fram í fjölmiðlum í Tyrklandi að Arsenal sé búið að selja Rúnar Alex Rúnarsson til Tyrklands. Kemur fram að Rúnar Alex hafi samþykkt að ganga í raðir Altay Spor þar í landi.

Altay Spor var að tryggja sér sæti í úrvalsdeildinni í Tyrklandi, liðið hafnaði í fimmta sæti næst efstu deildar en vann umspilið um laust sæti.

Rúnar Alex gekk í raðir Arsenal fyrir tæpu ári síðan frá Dijon í Frakklandi og fékk nokkur tækifæri í marki liðsins.

Arsenal er að skoða að kaupa annan markvörð til að keppa við Bernd Leno sem gerir stöðu Rúnars hjá félaginu erfiða.

Rúnar hefur spilað í Danmörku, Frakklandi og nú síðast á Englandi en hann ólst upp hjá KR áður en hann hélt í atvinnumennsku.

Runar Alex Runarsson has signed for Turkish side Altay Spor. #afc

[@egengiin via @OsmanZtheGooner]

— now.arsenal 🏴󠁧󠁢󠁥󠁮󠁧󠁿 (@now_arsenaI) July 5, 2021