Christian Eriksen leikmaður Inter og Danmerkur hefur sent frá sér stutta yfirlýsingu, ástæðan er hjartaáfall í miðjum leik á Evrópumótinu á laugardag.
Liðslæknir danska landsliðsins, Morten Boesen, hefur staðfest að Christian Eriksen hafi farið í hjartastopp í gær. Eins og flestir, ef ekki allir, vita þá hneig Christian Eriksen niður í leik með danska landsliðinu gegn Finnlandi á Evrópumótinu á laugardag. Hann andaði hvorki né var með púls um tíma og þurfti læknalið að beita hjartahnoði. Til allrar hamingju komst Eriksen þó aftur til meðvitundar og gat bæði talað og andað eftir að hafa verið fluttur á sjúkrahús.
Nú er komið í ljós að hjarta Eriksen stöðvaðist í leiknum. ,,Hann var farinn. Við náðum honum til baka. Hversu nálægt því vorum við að missa hann? Ég veit það ekki,“ sagði Boesen.
Eriksen sendi frá sér yfirlýsingu. „Takk fyrir, ég mun ekki gefast upp,“ sagði Eriksen.
„Mér líður betur en ég vil skilja hvað gerðist, ég vil þakka öllum fyrir allt sem þið hafið gert fyrir mig.“
