
Kvennalið Paris Saint-Germain vann sinn fyrsta Frakklandsmeistaratitil í sögu félagsins í fyrradag. Aðdáendur mættu í kjölfarið út á götur Parísar til að fagna liðinu.
Með sigrinum í deildinni í ár batt PSG enda á fjórtán ára sigurgöngu Lyon. Sara Björk Gunnarsdóttir leikur einmitt með síðarnefnda liðinu. Hún hefur að vísu ekki spilað upp á síðkastið þar sem hún ber barn undir belti.
Sigurinn þýddi greinilega mikið fyrir stuðningsmenn félagsins sem hópuðust út á götur með blys og fögnuðu þessum frábæra árangri.
Myndband af fagnaðarlátunum má sjá hér fyrir neðan.
PSG fans have given their women’s team this kind of welcome so much this season and it’s great to see.
10 minutes from their first league title and ending Lyon’s 14 season dominance of Division 1 Feminine 🏆
— Kathleen McNamee (@kathleen_mcn) June 4, 2021