Aðdáendur Friends-þáttanna fengu loks ósk sína uppfyllta í gær þegar endurkomuþáttur (e. reunion) fór í loftið. Það var margt sem kom fram í þættinum, meðal annars svöruðu leikararnir spurningunni: „Voru Ross og Rachel í pásu?“

Sjá einnig: Voru Ross og Rachel í „pásu“? Nú hafa leikararnir svarað því

En það var ekki það svakalegasta sem kom fram í þættinum. Jennifer Aniston og David Schwimmer vörpuðu fram sprengju og viðurkenndu að þau komust mjög nálægt því að byrja saman í alvöru. En um leið og annað þeirra var tilbúið fyrir samband, var hitt það ekki.

„Við vorum mjög skotin í hvor öðru. En við vorum eins og tvö skip að sigla fram hjá hvort öðru, annað okkar alltaf í sambandi,“ sagði David í þættinum.

„Við nýttum alla ástina sem við bárum til hvors annars í Ross og Rachel,“ sagði Jennifer.