Í síðustu viku vakti frásögn áhrifavaldsins Camillu Rut Arnardóttur mikla athygli. Í morgunþættinum Ísland vaknar á K100 sagði hún frá því að hún gengur reglulega um nakin heima hjá sér og gleymir að vinnumenn séu fyrir utan gluggann.

Sjá einnig: Camilla Rut nakin fyrir framan vinnumennina – „Ég er náttúrlega bara gift kona“

Camilla Rut mætti aftur í þáttinn í gærmorgun til að ræða um málið. K100 greinir frá. Hún nefnir fjölmiðlaathyglina sem frásögn hennar fékk og segir að vinkonurnar hefðu verið duglegar að gera gys að henni.

„Ég hugsaði með mér sko ef þetta væri öfugt þá væri bara: „Æi elsku karlinn hann er nú meiri kjáninn.“ En með mig þá er það bara svolítið eins og ég sé viljandi að haga mér eins og sirkúsdýr,“ segir hún og bætir við að fólk hefði látið eins og hún væri að „biðja um eitthvað.“

„Það er ekki eins og ég sé að búa til rassafar á gluggana sko.“

Kristín Björgvins, einn þáttastjórnandi Ísland Vaknar, spyr hvort að fólk megi ekki bara vera eins og það vill heima hjá sér.

Þú getur hlustað á viðtalið í heild sinni hér.